Оқытушылар мен зерттеу жұмыстары

427564
Раушан Әлібекова
Position:
Нұсқаушы
Office Phone:

Ғылыми қызығушылық

Ғылыми-зерттеу мүдделер саласы:
1. Психикалық денсаулық және инфекциялық емес аурулар эпидемиологиясы
2. Ана мен бала денсаулығы
3. Денсаулықты нығайту және мінез-құлықты өзгерту

Өмірбаян
Іріктелген жарияланымдар

Қазақстан, Түркістан қаласындағы Халықаралық қазақ-түрік университетін медицина ғылымдарының докторы дәрежесімен бітіргеннен кейін, доктор Раушан Әлібекова 2002 жылы Қазақстан, Алматы қаласындағы Қазақстан қоғамдық денсаулық сақтау мектебіне (ҚҚДМ) 2 жылдық магистрлік бағдарламаға қабылданды. Оның мүдделері денсаулық сақтау, санитарлық-эпидемиологиялық қауіпсіздік және превентивті медицина саласына ауысты. ҚҚДМ денсаулық сақтау және әлеуметтік ғылымдар кафедрасында сабақ берді. ҚҚДМ ұсынысы бойынша ол Израиль, Иерусалимдегі Хадасса Еврей университеті жанындағы Браун Қоғамдық денсаулық сақтау және қоғамдық медицина мектебінде 1 жылдық халықаралық қоғамдық денсаулық сақтау магистрлік бағдарламасында білім алу үшін Қазақстандағы Сорос қорынан грант алды. Оқудан кейін ол ҚҚДМ-да аға оқытушы (доцент) ретінде оқытушылық қызметін жалғастырды. Ол денсаулық сақтау, денсаулықты нығайту және аурулардың алдын алу, психикалық денсаулық, эпидемиология, биоэтика бойынша денсаулық сақтау саласындағы басшылар мен магистранттар үшін дәріс оқыды. Осы кезеңде халықтың денсаулық сақтауына қатысты ғылыми зерттеулерге, білім беру жобалары мен конференцияларға қатысты.
2010-2013 жылдар аралығында Тайбэй медицина университетінде (TMU) Тайвань, (TMU стипендиясы: Халықаралық алмасу бағдарламасы бойынша оқыту) PhD бағдарламасы бойынша білім алды. Диссертация тақырыбы: «Ана репродуктивті және психикалық денсаулық проблемаларының қолайсыз жағдайларға және сәбилер денсаулығына әсерін зерттеу». Мерзімінен бұрын босану және туу кезіндегі салмағының төмен болуы денсаулық сақтаудың маңызды проблемалары және балалар арасындағы сырқаттанушылық пен өлім-жітімнің негізгі себептері болып табылады. Жүктіліктің жағымсыз нәтижесін зерттеуге талпына отырып, зерттеу мақсаты әйелдің психикалық және репродуктивті денсаулығымен байланысты тәуекел факторларын зерттеу болды. Зерттеудің бірінші бөлігі бедеуліктің жүктіліктің қолайсыз нәтижесімен байланысын зерттеуге және жүкті әйелдерді бақылау барысында қолданылатын, түрлі шаралардың анықталған байланысқа әсерін зерттеуге бағытталған. Бұл зерттеу Тайвань халқының денсаулығын сақтандыру ұлттық бағдарламасының зерттеу деректер қорынан екіншілік деректерді талдауға негізделген. Зерттеудің екінші бөлігінің мақсаты-ананың психикалық бұзылулары мен босанудың нәтижесіндегі лонгитюдты (ұзақ) үрдістердің байланысын зерттеу болды және ол жалғасып жатқан зерттеу жобасының бар нәтижелеріне негізделген: «Жүктілік нәтижесіне және жаңа туған нәрестелердің дамуына ананың депрессивті симптоматикасының әсері – әкелік психопатологияның рөлі қандай?», Тайвань ұлттық зерттеу кеңесінің қолдауымен (NSC99-2628-B-038-015-MY3). Бұл жүктілік кезеңінің бойына және постнаталды кезеңде хабарланған, жүкті әйелдер мен олардың күйеулерінің арасында депрессивті және қауіпті симптомдар туралы көптеген бағалаумен және олардың босану нәтижесіне әсеріне бағалаумен проспективті топтық зерттеу.
Оқуды аяқтағаннан кейін, 2014 жылдан бастап д-р Әлібекова Назарбаев университетінің Медицина мектебінің биомедицина ғылымдары кафедрасында нұсқаушы болып жұмыс істей бастады.