Кампус: Астана, Қазақстан, НУММ ғимараты

Оқыту тілі: орыс

Оқу түрі: күндізгі, кампуста

Ұзақтығы: 2 жыл

ECTS несиелерінің жалпы саны: 240

НУММ пациенттер мен қоғамдастықтарға медициналық көмек көрсетуге, денсаулықты нығайтуға және аурудың алдын алуға, пациенттерге, отбасыларға және қоғамдастықтарға білім беруге бағытталған оқу бағдарламасын әзірледі.

Басқа бағдарламалар практикалық дағдыларға емес, теориялық курстық жұмысқа бағытталған болса, біздің мейірбике ісі бойынша бакалавриат бағдарламамыз пациенттерге күтім жасауды жақсартуға арналған зертханалық симуляцияларды қоса алғанда студенттеріміздің мейірбике ісі саласындағы кәсіби тәжірибесін қамтиды.

НУММ мейірбикелік тәжірибені басқару үшін дәлелді зерттеулерді пайдаланады, ал бірлескен топтық жобаларда студенттер бағдарлама бойынша оқу нәтижелерінде өз шеберліктерін көрсетеді.

Бұл бағдарламаға қол жеткізу үшін үшін кандидаттар НУММ-ның ауқымды талаптарына сәйкес келетін меиірбикелер болуы керек.

Бұл бағдарламаны аяқтағаннан кейін меиібикелер әртүрлі мамандықтарда жұмыс жасауға құқылы:

• Денсаулық сақтау - түлектер Денсаулық сақтау саласында қоғамдық денсаулық сақтау салаларында және қоғамдық ауруханалар мен клиникаларда жұмыс жасай алады.
• Біліктілікті арттыру - біздің бағдарламамыздың түлектері оқыту, сондай ақ мемлекеттік және үкіметтік емес ұйымдарда лауазымдарды атқару мүмкіндіктерін ашатын магистрлік бағдарламаларымыздың бірінде білімін жалғастыра алады.

1-ҚАДАМ. Жеке кабинет ашу

Жеке кабинет ашу үшін www.admissions.nu.edu.kz порталына тіркелу қажет. Жеке кабинетте тіркеу рәсімі бойынша нұсқаулықпен танысуды ұмытпаңыз.

2-ҚАДАМ. Сауалнама формасын толтыру және қажетті құжаттарды ұсыну.

Жеке кабинетте сауалнама формасын толтыру және қажетті құжаттарды тіркеу:

1. Жеке куәліктің немесе төлқұжаттың сканерленген көшірмесі;
2. Меиірбике ісі саласындағы дипломның немесе транскрипті бар баламаның сканерленген және нотариалды куәландырылған көшірмесі не болмаса транскриптің баламалы верификацияланған цифрлық көшірмесі;
3. Дипломнан кейінгі оқытудың сканерленген және нотариалды куәландырылған көшірмесі немесе баламасы;
4. Еңбек кітапшасының немесе өзге де баламалы құжаттың сканерленген және нотариалды куәландырылған көшірмесі;
5. Қолданыстағы мейірбике ісі саласындағы маман сертификаты (электрондық форматта);
6. Ағылшын тіліндегі екі (2) ұсыныс хат;
7. Ағылшын тіліндегі эссе (400-800 сөз).

3-ҚАДАМ. Тіркеуді аяқтау

«Submit application» батырмасын басыңыз. Өтініш бергеннен кейін талапкерлер өздерінің жеке кабинетіне өзгерістер енгізе алмайды.

Әрі қарай әрекет ету

Өз статусыңызды бақылау үшін Қабылдау департаментінен ақпарат жіберілетін электрондық поштаны, сондай-ақ жеке кабинетіңізді тексеріп отырыңыз.

Тіркеу бойынша проблемалар туындаған жағдайда міндетті түрде ЖСН (ҚР азаматтары үшін) және Жеке кабинетте берілген нөмір – Applicant ID көрсете отырып, info_admissions@nu.edu.kz электрондық мекенжайына сұрау жолдауды сұраймыз.

• мейірбике ісі саласындағы диплом немесе 4 балдық шкала бойынша ең төменгі баллы 2,67 болатын оның баламасы. Қазақстанда немесе басқа елдің азаматы болып табылатын елде тиісті орган берген, сәйкес сертификаттармен құжатталған практикалық қызметті жүзеге асыруға лицензиясы болуы тиіс;
• соңғы бес жылда мейірбике ісі саласында 2 және одан да көп жылдық кәсіби және/немесе ерікті тәжірибенің болуын растау;
• аға мейірбикеден немесе дәрігерден кандидаттың мейірбике ісі саласындағы білімі, дағдылары мен көзқарасын сипаттайтын екі ұсыныс хат;
• мейірбике ісі саласындағы дипломнан кейінгі оқу біліктілігін аяқтау немесе баламасы;
• мейірбике ісі бойынша қабылдау тестінен (NAT) өту, онда екі компонент: білім және клиникалық дағдылар бойынша балл кем дегенде 70 % құрайды;
• МІБ бағдарламасын аяқтауға уәждемені көрсете отырып, эссе ұсыну (400-800 сөз);
• қолданыстағы мейірбике ісі саласындағы маман сертификаты.

Назарбаев Университеті дербес білім беру ұйымы Медицина мектебінің «Мейірбике ісі бакалавры» бағдарламасына түсуге онлайн өтінім беруге арналған құжаттар тізбесі

1. МІБ бағдарламасына арналған сауалнама формасы.
2. Жеке куәліктің немесе төлқұжаттың сканерленген көшірмесі;
3. Меиірбике ісі саласындағы дипломның немесе транскрипті бар баламаның сканерленген және нотариалды куәландырылған көшірмесі не болмаса транскриптің баламалы верификацияланған цифрлық көшірмесі;
4. Дипломнан кейінгі оқытудың сканерленген және нотариалды куәландырылған көшірмесі немесе баламасы;
5. Еңбек кітапшасының немесе өзге де баламалы құжаттың сканерленген және нотариалды куәландырылған көшірмесі;
6. Қолданыстағы мейірбике ісі саласындағы маман сертификаты (электрондық форматта);
7. Ағылшын тіліндегі екі (2) ұсыныс хат;
8. Ағылшын тіліндегі эссе (400-800 сөз).

2024-2025 оқу жылына үміткерлер үшін маңызды күндер:

• Онлайн өтінім беру мерзімі: 2024 жылғы 15 қаңтардан бастап, 2024 жылғы 26 сәуірді қоса алғандағы кезең.

• Назарбаев Университеті ең төменгі талаптарға сәйкес келетін үміткерлерді қарастырады, алайда оқуға қабылдануына кепілдік бермейді.
• Конкурсқа қатысуға арналған өтінім оны онлайн толтырғаннан кейін аяқталды деп саналады. Қағаз тасығыштағы барлық қажетті құжаттар Қабылдау департаментіне белгіленген мерзімдерде жеткізілуі тиіс.
• Үміткерлер қажетті құжаттарды Қабылдау департаментіне жеткізуді қамтамасыз ету үшін толық жауапты болады. Қабылдау департаментінің қарауына ұсынылған үміткердің құжаттары қайтарылуға жатпайды.
• Назарбаев Университеті Мектептерінің Қабылдау комиссиялары аппликациялық өтінімдерді, қажетті құжаттарды, сондай-ақ тестілердің нәтижелерін жан-жақты бағалаудың негізінде оқуға шақыру туралы шешім қабылдайды.
• Конкурстың нәтижесі бойынша және шешімдердің негізінде Қабылдау комиссиясы бекіткен рейтингке сәйкес Мектептердің Қабылдау комиссиялары үміткерлерді оқуға қабылдауға ұсынады. Осы үміткерлерге электронды мекенжайына Қабылдау комиссиясының қабылдаған шешімі туралы ресми хабарлама-хат жолданады. Үміткерлер де өз статусын «Жеке кабинетінен» көре алады.

Конкурстың әр кезеңінде талапкерге қойылатын статустардың сипаттамасы.

Статустар талапкердің Жеке кабинетінде қойылу ретімен орналастырылған.

Does not meet the entry requirements. Талапкер бағдарламаның ең төменгі талаптарына сәйкес келмейді, Университеттің Студенттерді оқуға қабылдау департаментімен сауалнама нысандар мен құжаттарды тексергеннен кейін қойылады.

Withdrawn. Бакалавриат бағдарламасына Қабылдау комиссиясының шешімі шыққанға дейін конкурсқа қатысудан бас тартқан талапкерлерге статус қойылады.

Recommended for admission. Қабылдау комиссиясы талапкерді қабылдауға ұсынады және оған оқуға шақыру хат жіберіледі.

Waiting list. Талапкер күту парағында. Ол бағдарламаның ең төменгі талаптарына сәйкес келеді, бірақ төмен балдарға байланысты ол рейтингтің төменгі жағында. Мұндай талапкерлер Университеттен хабарлама күтуі керек, өйткені егер бұрын ұсынылған талапкерлердің бірі оқуға қабылдаудан бас тартса, оқуға шақыру жіберілуі мүмкін.

Rejected by Admissions Committee. Қабылдау комиссиясы талапкердің құжаттарын қарағаннан кейін, күту тізіміне қоймай немесе конкурстан кейін, оны қабылдау конкурсынан шығарды.

Refused admission offer. Талапкер оқуға қабылдануға ұсынылды, бірақ НУ-да оқуға шақыру хатынан бас тартты.

Refused in favor of CPS. Талапкер NUFYP бағдарламасын таңдап бакалавриат бағдарламасынан бас тартты. Бұл статус талапкер бакалавриат бағдарламасына шақыру хатынан жазбаша бас тартқаннан кейін немесе егер талапкер күту парағында болса және бакалавриат бағдарламасына шақыру хатын алғанға дейін NUFYP бағдарламасында оқуға жазбаша келіссе қойылады. Соңғы жағдайда талапкерге шақыру хаты жіберілмейді.

Guarantee fee paid. Талапкер оқуға қабылдануға ұсынылды және міндетті кепілдік жарнасын төледі.

Accepted admission offer. Бұл статус оқуға шақыру хатын алған, келісім берген және Университет шарттарын орындаған - кепілдік жарнаны төлеген және оқуға қабылдау үшін құжаттардың түпнұсқаларын тапсырған талапкерлерге қойылады.

Did not come to Orientation week/Refused. Оқуға келісім берген, құжаттардың түпнұсқаларын тапсырған, бірақ мектептің Бағдарлау апталығына қатыспаған талапкерлерге қойылады. Болған жағдайда, босаған орындарға күту парағынан талапкерлер шақырылуы мүмкін

Enrolled. Талапкер оқуға қабылданды. Статус оқуға қабылдау туралы Провост шешімі шыққаннан кейін қойылады, содан кейін талапкер ресми түрде Университет студенті болып табылады.

Enrolled conditionally. Талапкер оқуға шартты түрде қабылданды. Берілген мерзімге дейін аттестаттың түпнұсқасын тапсыру шартын орындау қажет.

Did not submit the documents/refused. Талапкер көрсетілген мерзімде құжаттардың түпнұсқаларын ұсынбаған. Бұл талапкердің Университетте оқудан бас тартатынын білдіреді.

• Қабылдау комиссиясы оқуға қабылдауға ұсынған, шақыру-хаттар алған үміткерлер Университетке қабылдауға келісудің тиісті нысанын жіберіп, ол қабылданған соң университетпен білім беру саласындағы қызметтерді көрсету туралы шартқа қол қойылғаннан кейін ғана қайтарылатын кепілдік жарнаны алдын ала төлеп, Университетте білім алуға шақыруды қабылдағаны немесе бас тартқаны туралы хабарлайды.
• Кепілдік жарнаны төлеген үміткерлер қажетті құжаттарды қағаз жеткізгіште Университеттің Студенттерді қабылдау департаментіне белгіленген мерзімде ұсынады.