"Медицина докторы" бағдарламасы Дүниежүзілік медициналық білім беру федерациясы (WFME) мойындаған Еуразиялық аккредиттеу және жоғары білім мен денсаулық сақтау саласындағы сапаны қамтамасыз ету орталығының (ECAQA) толық халықаралық аккредитациясын алды

Кампус: Астана, Қазақстан, NU Медицина мектебінің ғимараты

Оқыту тілі: Ағылшын

Оқу форматы: Күндізгі, кампуста

Ұзақтығы: 4 жыл

Медицина докторы бағдарламасы - бұл кәсіби докторлық дәреже, ол дәрігер ретінде жұмыс істеу, медициналық практика жүргізу және диплом алғаннан кейін медициналық білімді жалғастыру үшін қажетті құзыреттерді, дағдыларды және сертификаттауды қамтамасыз етеді. Бағдарлама диплом алғаннан кейінгі медициналық білім беру моделіне сәйкес әзірленген және құзыреттерге негізделген.

Курстар: NU SOM оқу бағдарламасы бойынша пациентке фокус бірінші күннен "Being a Physician" курсына кіріспеден басталады. Одан әрі науқастың төсегінде, жұмыс ортасында және жалпы қоғамда дәрігердің іс - әрекеті мен мінез-құлқының көптеген аспектілерін зерттеу бойынша жаттығулармен қатар, сауалнама және физикалық тексеру жүргізу туралы курстар жүргізіледі. Алғашқы екі жыл ішінде студенттер аптасына бір рет Ұлттық медициналық холдинг ауруханаларында (UMC) жаңа дағдыларды қолданады. Негізгі ғылым блогы бірінші оқу жылының үш тоқсанынан өтеді және медициналық практиканың ғылыми базасының негізінде жатқан тілдік білім мен тұжырымдамаларды ұсынады. Organ System блогының курстары Patient Care және Patient, Physician, Society блоктарында параллель курстары бар физиология, патофизиология, фармакология және медицинаға кіріспе біріктіреді. Апта сайынғы талқылаулар, пациенттерге сауалнама жүргізу және емдеуге жатқызылған пациенттерді тексеру қажетті клиникалық дағдыларды нығайтады. Оқытудың үшінші жылы сегіз субинтернаттан тұрады, олардың мақсаты клиникалық және клиникалық емес оқыту нысандарын оңтайландыру болып табылады. Төртінші жыл интернатураны, қосымша міндетті және факультативтік субинтернатураларды, сондай-ақ студенттер клиникалық тәжірибе алғаннан кейін кейбір аспектілерді қайта бағалауға мүмкіндік беретін жаратылыстану ғылымдары білімінің интеграциясын қамтиды.

Мансап: Оқуды аяқтағаннан кейін түлектер қалаған резидентурасына түсе алады, оқуын жалғастыра алады немесе денсаулық сақтау саласының мамандары ретінде жұмыс істей алады.

Стратегиялық серіктес: Питтсбург университетінің медицина мектебі

Бағдарламаның мақсаттары:

• Адам ағзасының әртүрлі жүйелерінің күрделілігін, өзара әрекеттесуін және өзара тәуелділігін жақсы түсінетін мамандарды дайындау.
• Түлектерді медициналық ғылымдарды дамыту және адам денсаулығы мен әл-ауқатын жақсарту үшін өздерінің әдіснамалық дайындығы мен зерттеу нәтижелерін қолдана алатындай етіп ғылыми негізде даярлау.
• 21 ғасырда медициналық практика үшін білікті клиницистерді тәрбиелеу және түлектерді диплом алғаннан кейінгі медициналық білім беруді жалғастыру үшін базалық құзыреттермен қамтамасыз ету.

Оқуды аяқталғаннан кейін түлектер өздері таңдаған резидентура бағдарламасына түсе алады, оқуын жалғастыра алады немесе денсаулық сақтау саласында жұмыс істей алады.

Бағдарламаны сәтті аяқтаған жағдайда түлектер:

• Негізгі патологиялық процестерді, олар тудыратын биологиялық өзгерістерді және олардың орган жүйелеріне әсерін түсіндіре алады;
• Адам жүйелерінің физиологиясын, кең таралған патологиялық жағдайларды және тиісті фармакологияны сипаттай алады;
• Пациенттермен тиісті терапевтік қарым-қатынастарды орнату және қолдау, құпия ақпаратты және аурудың толық тарихын алу, нақты және сезімтал физикалық тексеруді және жалпы клиникалық рәсімдерді жүргізу үшін қажетті дағдыларды қолдана алады;
• Пациенттерді қарап, жалпы белгілер мен симптомдарды анықтай алады, диагностикалық және териапиялық шешімдер қабылдау үшін сынақтарды пайдалана алады және жалпы клиникалық мағынаны көрсете алады;
• Жалпы проблемалары, өмірге қауіп төндіретін жіті медициналық проблемалары және созылмалы аурулары бар пациенттерге күтім жасау кезінде әртүрлі емдеу нұсқаларын әзірлей алады;
• Зерттеулерге, білім беруге және пациенттерге күтім жасауға ықпал ететін ақпараттық және білім беру технологияларын, сондай-ақ медициналық практикаға, қоғамдық денсаулық сақтау мен зерттеулерге әсер ететін көптеген факторларды анықтай алады;
• Медициналық практика мен денсаулық сақтау жүйелері арасындағы байланысты, соның ішінде экономикалық мәселелерді, мемлекеттік саясат мәселелерін және этикалық принциптерді зерделей және түсіндіре алады.

1 ҚАДАМ. Жеке кабинетті құрыңыз

Жеке кабинетті құру үшін www.admissions.nu.edu.kz порталында тіркеліңіз. «Академиялық дәреже» бөлімінде «Магистратура/Резидентура» бағдарламасын таңдау кажет.

Тіркелуді аяқтағаннан кейін Сіздің электрондық поштаңызға жіберілген авторизация сілтемесі арқылы тіркелуді растаңыз.

Жеке кабинетіңізде өтінім беру Нұсқаулығымен міндетті түрде танысып өтіңіз.

2 ҚАДАМ. Өтінім формасын толтырып, қажетті құжаттарды тіркеңіз

Өтінім формасын толтырып, қажетті құжаттарды тіркеңіз:

1. Жеке куәліктің немесе төлқұжаттың сканерленген көшірмесі;

2. Жеке кабинеттегі үлгі бойынша қорытынды оқу үлгерімі туралы орта мектеп немесе жоғары оқу орны туралы аттестаттың (аттестат/диплом) сканерленген көшірмесі немесе мектептен анықтама (справка);

3. Ағылшын тіліндегі мотивациялық хат;

4. Сертификаттардың жарамды көшірмелері. Стандартталған тесттердің нәтижелері тест әкімшілері арқылы тікелей Университетке жіберілуі керек.

3 ҚАДАМ. Тіркелу жарнасын төлеу және өтініш беруді аяқтау

Өтінім беру процесін аяқтау үшін Жеке кабинетіңіздегі «My Application Forms» бөліміндегі «PAY AND SUBMIT APPLICATION» түймесін басыңыз. Тіркелу жарнасы Жеке кабинетте қолжетімді төлем опциялары арқылы онлайн режимінде төленеді. Тіркелу жарнасын төлеудің басқа әдістерін қолдану қабылданбайды.

Үміткерлер Назарбаев Университетінің 2-ден артық магистратура / докторантура бағдарламаларына өтініш бере алмайды. Екі бағдарламаға қабылданған жағдайда үміткер тек бір бағдарламаны таңдауы тиіс.

Тіркелу жарнасы 15 000 теңгені құрайды. Тіркелу жарнасы өтінімдерді қабылдаудың бірінші бекітілген мерзімге дейін соңғы екі апта ішінде және өтінімдерді қабылдауды ұзарту кезеңінде төленген жағдайда төленетін сомадан 3 есе артады (ерекшелік — Жоғары бизнес мектебі). Өтінім берудің нәтижесіне немесе төлем қателеріне қарамастан, тіркелу жарнасы қайтарылмайды.

Өтінім беруді аяқтағаннан кейін үміткер 2-қадамда сипатталған әрекеттерге өзгерістер енгізе алмайды.

4 ҚАДАМ. IELTS/TOEFL/GRE/GMAT нәтижелерін ұсыну

Үміткерлер IELTS/TOEFL/GRE/GMAT сертификатын тапсыру үшін келесі талаптарды орындау қажет:

• IELTS/TOEFL/GRE/GMAT жарамды сертификаттың электрондық нәтижесін Тест әкімшісі арқылы тікелей Назарбаев Университетіне жіберу;
• IELTS/TOEFL сертификаттың сканерленген көшірмесін жүктеу және оның деректерін Жеке кабинеттің «Upload IELTS/TOEFL results» бөліміне енгізу қажет. Конкурсқа қатысу үшін сертификаттың кез-келген санын тапсыруға болады, бірақ іріктеуде Жеке кабинетке соңғы болып жүктелген сертификат қарастырылады.
• Қажетті құжаттарды жүктеп салу кезеңінде GRE/GMAT сертификаттың сканерленген көшірмесін (бар болса немесе бағдарламамен талап етілсе) «My Application Forms» (Step 2) бөлімінде жүктеу.

Тест әкімшісі арқылы тест нәтижелерін тапсыру үшін кодтар туралы маңызды ақпаратқа назар аударыңыз:

• IELTS үшін код: NU
• TOEFL iBT үшін код: 6762
• GRE үшін код: 6496
• GMAT үшін код: H6m-R7-93

IELTS/TOEFL/GRE/GMAT нәтижелердің Назарбаев Университетінің электрондық базасына енгізу Университет құзыретіне кірмейді. Үміткер Тест әкімшісіне (Тест орталығына) өзі хабарласып, кажетті сертификаттың жіберілгендігіне көз жеткізуі қажет. Бұл әрекет кем дегенде 7-10 жұмыс күнін алатынын ескертеміз. Егер сертификат Студенттерді оқуға қабылдау департаменті белгілеген мерзімінен кеш келсе, нәтижелер конкурста қарастырылмайды.

Ұсынылған сертификаттардың нәтижелері өтінімді тапсырған уақытқа дейін аяқталмаса, жарамды болып саналады.

IELTS/TOEFL сертификатын ұсыну бойынша толық нұсқаулық үміткерлердің Жеке кабинетінде қолжетімді. IELTS Online, TOEFL iBT Home Edition и TOEFL PDT нәтижелері байқауда қарастырылмайды.

Yміткерлер Қабылдау комиссиясының шешімімен құжаттамамен расталған мынадай жағдайлардың бірінде ағылшын тілі бойынша тестілеу нәтижелерін ұсынудан босатылуы мүмкін:

• ағылшын тілі ресми түрде қарым-қатынас және оқыту тілі болып табылатын елде академиялық дәрежені алған жағдайда;
• ағылшын тілінде оқытылатын бағдарламалар бойынша оқыту қорытындысы бойынша бакалавр/магистр дәрежесін алған жағдайда;
• үміткер Назарбаев Университетінің түлегі болып табылса.

Одан арғы қадамдар

Сіз өтінім бергеннен кейін, сіздің ұсынушыларыңыздың электрондық пошталарына жіберілген электрондық нысанға сәйкес Назарбаев Университетіне ұсыным хаттарды ұсыну туралы автоматты хабарлама жіберіледі. Ұсыным хаттарды ұсыну бойынша толық нұсқаулық Жеке кабинетте қолжетімді.

Сіздің өтініміңіздің статусы туралы білу үшін Жеке кабинетіңізден қараңыз және Назарбаев Университетінің хабарламаларын электрондық поштаңыздан тексеріңіз. Кейбір жағдайларда Университет хабарламалары спам жәшігінде болуы мүмкін екендігін есте сақтаңыз.

Сұхбатқа шақырылған жағдайда Қабылдау комиссиясымен сұхбаттан өтіңіз. Сұхбат ағылшын тілінде өтеді.

Тіркелу немесе онлайн өтінім беру кезінде қиындықтар туындаса, info_admissions@nu.edu.kz мекенжайына хабарласыңыз. Сұрауларыңызды жіберу кезінде ЖСН және/немесе өтінім берушінің ID нөмірін қолданыңыз.

• Бакалавр және/немесе магистр дәрежесі (немесе олардың баламасы).
• 4.00 балдық шкала бойынша орташа балл 3.00 (немесе 5.00 балдық шкала бойынша оның баламасы).
• Зертханасымен бірге «биология» пәні бойынша оқытудың бір жылын және зертханасымен бірге жалпы химия немесе баламасы бойынша оқытудың бір жылын қоса алғанда, бірақ олармен ғана шектелмей, кемінде екі ғылыми пәннен өту.
• Ағылшын тілін міндетті білу деңгейі IELTS бойынша 6.5 балға тең, әрбір секцияда 6.0 кем емес немесе компьютерлік нұсқа үшін (СВТ) 250 балл, қағаз бетіндегі нұсқа үшін (PBT) 600 балл немесе TOEFL (Home edition-нан басқа) тестілеуінің интернет-нұсқасы үшін (IBT) 100 балл. Қабылдау комиссиясының шешімімен өтініш білдіруші ағылшын тілі бойынша тестілеудің қорытындыларын ұсынудан келесі жағдайларда босатылуы мүмкін.

— ағылшын тілі қарым-қатынастың, білімнің және күнделікті өмірдің ресми тілі болып табылатын елде академиялық дәреже алу;

— ағылшын тілінде оқытылатын бағдарламалар бойынша бакалавр немесе магистр дәрежесін алу;

— егер талапкер Назарбаев Университетінің түлегі болса.

• Сұхбатқа шақырылу үшін МСАТ тестілеу нәтижесінің жалпы балы кемінде 489 болуы тиіс.

Барлық ұсынылған құжаттар ағылшын тілінде немесе нотариалдық куәландырылған ағылшын тіліндегі аудармасымен болуы тиіс:

• Өтініштің толтырылған нысанын порталда тіркеуден кейін жүктеп алуға болады.
• Соңғы 12 айдың ішінде жазылған екіден бастап (минимум) төртке дейінгі (максимум) ұсыным хаттар. Оның ішінде екі хат ғылыми кафедралардың ОПҚ-дан болуы тиіс.
• Диплом берілген дәрежесімен және транскрипт. Өтінімдерді беру кезеңі ішінде соңғы оқу жылының студенттері ағымдағы ресми транскрипттерді ұсына алады.
• Бағдарламаға құжаттарды онлайн тапсыру кезінде күші бар IELTS немесе TOEFL (Home edition-нан басқа) сертификаты.
• Бағдарламаға құжаттарды онлайн тапсыру кезінде күші бар МСАТ нәтижесі. Нәтиже жарамды болып есептелуі үшін МСАТ-тың ұсынылған нәтижелері өтініш берілгенге дейін кемінде үш жыл бұрын өткен тестілеуге сәйкес болуы тиіс.
• Сотталғаны немесе сотталмағаны туралы анықтама Медициналық анықтама (075у нысаны).
• Медициналық анықтама 075у (ҚР азаматтары үшін) немесе жалпы денсаулық жағдайын білдіретін ұқсас медициналық анықтама немесе Университет сұраған басқа құжаттар (шетел азаматтары үшін);
• Өтініш берушінің сканерден өткізілген жеке куәлігінің немесе паспортының нотариалды куәландырылған көшірмесі (ағылшын тіліне нотариалды куәландырылған аудармасымен).
• Негіздеме хат (500 сөзге дейін).
• Үміткер Мектепке қандай үлес қосатындығы жайлы эссе (500 сөзге дейiн).

Магистратура бағдарламаларына онлайн өтінімдерді қабылдау мерзімдері:

Барлық грант түрлері бойынша өтінім беру мерзімі: 2024 жылғы 23 желтоқсан сағат 14:00-ге дейін (Астана уақытымен), шетел азаматтары мен Қазақстан Республикасының азаматтары үшін.

Толық оқу ақысын төлеу санаты үшін:

• Шетел азаматтары үшін: өтінім беру мерзімі 2025 жылғы 17 наурыз сағат 14:00-ге дейін (Астана уақытымен).
• Қазақстан Республикасының азаматтары үшін: өтінім беру мерзімі 2025 жылғы 25 маусым сағат 14:00-ге дейін (Астана уақытымен).

IELTS/TOEFL сертификаттарын тапсырудың соңғы мерзімі:

Барлық грант түрлері бойынша өтінім беру мерзімі: 2025 жылғы 5 қаңтарға дейін шетел азаматтары мен Қазақстан Республикасының азаматтары үшін.

Толық оқу ақысын төлеу санаты үшін:

• Шетел азаматтары үшін: өтінім беру мерзімі 2025 жылғы 30 сәуіріне дейін.
• Қазақстан Республикасының азаматтары үшін: өтінім беру мерзімі 2025 жылғы 31 шілдесіне дейін.

MCAT сертификатын тапсырудың соңғы мерзімі 2025 жылғы 30 маусым.

Бағдарлау аптасының басталу мерзімі: тамыз 2025

Оқудың басталуы: тамыз 2025

Барлық тіркелген үміткерлер өз конкурсқа қатысу өтінімінің статусы туралы Жеке кабинетте таныса алады. Төмендегі статустардың сипаттамасы үміткердің Жеке кабинетінде қойылу ретімен орналастырылған.

Application in processing. Үміткердің құжаттарыңы тексерістен өтуде екенін білдіретін аралық статус. Қабылдау комиссиясы өтінімді және құжаттарды тексеріп, келесі кезең туралы хабарлайды. Қорытынды шешім туралы ақпарат үміткердің электрондық поштасына жіберілетін болады.

Does not meet entry requirements. Үміткер бағдарламаның ең төменгі қабылдау талаптарына сәйкес келмейді. Бұл статус Университеттің Студенттерді оқуға қабылдау департаменті өтініш нысандарын және құжаттарды тексергеннен кейін қойылады

Disqualified. Емтихандағы немесе байқаудағы өрескел бұзушылықтар үшін конкурстан шығарылған. Мысалы, ол қасақана жалған ақпарат берді.

Rejected by Admissions Committee. Конкурс кезеңдердің бірінде Қабылдау комиссиясы үміткерді бағдарламаға ұсынбауға шешім қабылдады.

Transfer to another program. Үміткердің өтінішін қарастыру кезінде Қабылдау комиссиясы үміткерді сол мектептегі басқа бағдарлама Қабылдау комиссиясының қарауына ұсынуға шешім қабылдады.

Pending. Үміткердің өтініші қаралуда

Waiting list. Қабылдау комиссиясы үміткердің өтінішін қарауды аяқтап, оны күту тізіміне қою туралы шешім қабылдады. Мұндай үміткерлер Университеттен хабарлама күтуі керек, өйткені басқа үміткерлер оқудан бас тартса, оларға оқуға шақыру хаты жіберілуі мүмкін.

Recommended for admission to Zero Year of Graduate programs. Қабылдау комиссиясы үмңткерді Zero Year of Graduate program бағдарламасына ұсынуға шешім қабылдады. “Магистратура бағдарламаларының дайындық жылы” (Zero Year of Graduate programs) – Назарбаев Университеті Мектептерінің магистратураға тікелей түсу үшін тілдік талаптарға сай келмейтін, магистрлік бағдарламаларға қарқынды тілдік, академиялық және ғылыми дайындықтары бар екі семестрлік күндізгі бағдарлама.

Recommended for admission to program. Қабылдау комиссиясы үміткерді бағдарламаға ұсынуға шешім қабылдады.

Recommended for conditional admission. Қабылдау комиссиясы үміткерді бағдарламаға шартты түрде ұсыну туралы шешім қабылдады. Үміткер көрсетілген мерзім ішінде қажетті құжаттарды тапсырып, шартты орындауы қажет.

Withdrawn. Конкурстан алып тастау туралы шешім қабылдаған үміткерлер.

Accepted Program admission offer. Статус оқуға шақыру хаттарын алған, келісімін берген және Университеттің ұсыным-хатындағы барлық шарттарын орындаған үміткерлерге қойылады

Accepted Zero Year of Graduate program admission offer. Статус Zero Year of Graduate programs бағдарламасына оқуға шақыру хаттарын алған, келісімін берген және Университеттің ұсыным-хатындағы барлық шарттарын орындаған үміткерлерге қойылады

Refused admission offer. Үміткерді қабылдау ұсынылды, бірақ ол оқудан бас тартты.

Refused in favor of another NU program. Бірнеше жоғары оқу орнынан кейінгі бағдарламаға тапсырған үміткерлерге қатысты статус. Үміткер басқа бағдарламаны таңдау туралы шешім қабылдағанда қойылады.

Deferred. Үміткер бағдарламаға қабылданды, бірақ оқуын келесі жылға қалдыруға шешім қабылдады.

Did not submit the documents/Refused. Үміткер құжаттардың түпнұсқасын белгіленген уақытқа дейін тапсырмады, яғни Университетте білім алудан бас тартты.

Did not come to Orientation week/Refused. Үміткер оқу туралы ұсынысты қабылдады, құжаттарын тапсырды, бірақ бағдарлау аптасына қатыспады. Босатылған орынға күту тізіміндегі үміткерлерді шақыруға болады.

Enrolled to program. Үміткер Университетке негізгі бағдарламаға оқуға қабылданды. Статус Провосттың қабылдау туралы шешімі шыққаннан кейін қойылады.Үміткер ресми түрде студент болып саналады.

Enrolled to Zero Year of Graduate programs. Кандидат Zero Year of Graduate programs бағдарламасына қабылданды. Cтатус Провосттың қабылдау туралы шешімі шыққаннан кейін қойылады. Үміткер ресми түрде студент болып саналады.

1 және 2 жыл

Блок I - Науқастарға медициналық қызмет көрсету

• Дәрігер мамандығына кіріспе
• Медициналық сұхбат негіздері
• Физикалық тексеру
• Клиникалық тексеру негіздері

Блок ІI - Науқастарға медициналық қызмет көрсету

• Жетілдірілген клиникалық тексеру
• Тереңдетілген медициналық сұхбат
• Клиникалық процедуралар

Блок – Іргелі ғылымдар

• Адам анатомиясы
• Адам Генетикасы
• Метаболизм қуаты
• Фармакология
• Аурулардың жасушалық және патологиялық негіздері
• Денсаулық және ауру иммунологиясы
• Медициналық микробиология

Мүшелер жүйесінің патофизиологиясы бойынша I блок

• Нейроғылым
• Жүрек-қан тамырлар жүйесі
• Тыныс алу жүйесі
• Нефрология
• Психиатрияға кіріспе

Мүшелер жүйесінің патофизиологиясы бойынша II блок

• Эндокрин жүйесі
• Ас қорыту мен тамақтану
• Гематология мен онкология
• Тері және тірек-қимыл жүйесі
• Репродуктивті және жетілдіру биологиясы
• Клиникалық мәселелерді шешу

Блок – Емдеуші дәрігер және қоғам

• Медициналық этика және кәсіби шеберлік
• Ағылшын-орыс-қазақ медицина терминологиясы
• Мінез-құлық медицинасы
• Денсаулық сақтау жүйесі

Блок I - Ғылыми Негіздеу

• Дәлелдеу медицинасы және Биостатистика І
• Дәлелдеу медицинасы және Биостатистика ІІ

Блок II - Ғылыми негіздеу

• Ел денсаулығы
• Дәлелді медицина

3 және 4 жыл

• Медициналық практикаға дайындық
• Анестезиология бойынша медициналық практика
• Акушерлік және гинекология медициналық практикасы
• Хирургия саласындағы медициналық практика I
• Педиатрия бойынша медициналық практика
• Ішкі Ағза Аурулары бойынша медициналық практика
• Психиатрия бойынша медициналық практика
• Қарқынды терапия және шұғыл медициналық көмек бөлімшесінде медициналық практика
• Отбасылық медицина бойынша медициналық практика
• Жүрек патологиясы бойынша клиникалық практика
• Жұқпалы аурулар бойынша практика
• Клиникалық практика:

-Терапиялық медицина

-Акушерлік және гинекология

-Педиатрия

-Жалпы хирургия

• Элективтер

-Асқынған лейкемияны диагностикалау және емдеу

-Балалар ревматологиясы

-Балалардың мүгедектігі және оңалту

-Жалпы гинекология

-Тәуекел дәрежесі жоғары жүктілік

-Перзентхана бөлімшесіндегі электив

-Педиатриялық нефрология

-Педиатриялық кардиология

-Педиатриялық онкология

-Гепато-панкреато-билиарлық хирургия

-Офтальмология и отоларингология

-Урология

-Радиология

-Экстракорпоральды гемокоррекция

-Гастроэнтерология және гепатология

-Біріктірілген өмір туралы ғылымдар

-Ғылыми жоба

Дәрігер мамандығына кіріспе

Бұл курстың мақсаты – медик студенттерді пациенттің созылмалы аурулармен және денсаулық сақтау жүйесімен байланысты тәжірибесіне баса назар аудара отырып, дәрігер болудың мәнімен таныстыру. Студенттерде әртүрлі мамандықтағы дәрігерлердің пациенттерге күтім көрсету үшін өздерінің коммуникативтік және клиникалық дағдыларын қалай қолданатынын бақылауға мүмкіндік болады. Студенттер дәрігер мен пациенттің өзара әрекеттесуін бақылап қана қоймай, сонымен қатар пациенттермен және олардың отбасы мүшелерімен тікелей сұхбаттасып, дәрігерлермен және жалпы медициналық қызмет көрсету жүйесімен қарым-қатынас тәжірибесі туралы сөйлесе алады. Бұл курс денсаулық мәселелерінің пациенттер мен олардың отбасыларына қалай әсер ететінін және дәрігердің бұл әсерді өзгертуге қандай рөл атқара алатынын зерттеуге арналған. Сонымен қатар, студенттер дәрігерлердің жалпы қоғамның денсаулығын нығайтудағы рөлі туралы біледі. Медициналық мектепке түсе отырып көптеген адамдар өздерін студент ретінде көруден оқудан өтіп жатқан дәрігер ретінде көруге біртіндеп ауысады. Мұндай ауысу тікелей пациенттерге күтім жасауға қатысы жоқ мамандықтарды, мысалы, патологоанатомия немесе медициналық информатика салаларын таңдағандар адамдарда, сондай-ақ ғылыми қызметпен айналысуды жоспарлайтын адамдарда да орын алады. Кез келген медициналық мансапта кемелдікке жеткен кезде де пациент басты назарда болады. Осы курста студенттер өз жолдарын тікелей пациентке (және оның отбасына) бейімделе отырып бастайды.

Медициналық сұхбаттың негіздері

Бұл курстың мақсаты – медик студенттерге тиімді медициналық сұхбат жүргізу дағдыларын дамытуға және шыңдауға мүмкіндік беретін өміршең оқу ортасын құру. Курс аясында студенттер медициналық сұхбат туралы білімдерін, дағдыларын және оның процесі мен мазмұнын бағалауды, сондай-ақ оны жүргізу үшін қолданылатын тұлғааралық қарым-қатынас дағдыларын кеңейтеді. Курстың соңында студенттер медициналық сұхбаттың негізгі клиникалық дағды ретіндегі маңызын түсініп, толық ауру тарихының негізгі компоненттерін зерттеп, клиникалық сұхбаттың негізгі дағдыларын бақылап, сәйкестендіре және дұрыс атай алатын болады.

Негізгі физикалық тексеру

Бұл курс студенттерді физикалық тексеру жүргізуді үйретуге арналған. BPE курсы I блоктың «Пациенттерге күтім жасау» бөлімінің екінші курсы болып табылады. Студенттер «Медициналық сұхбат негіздері» курсынан кейін пациенттермен байланыс орнату, дәрігер мен пациент арасындағы тиімді қарым-қатынасты қалыптастыру және денсаулық туралы қажетті ақпаратты жинау туралы білім алғаннан кейін, олар нақты пациенттермен кездесу алдында мінсіз физикалық тексеруді жүргізуді үйренеді. Физикалық тексерудің негізгі элементтері дидактикалық сабақтарда ұсынылады, содан кейін шағын топтардағы практикалық сабақтар симуляциялық орталықта өтеді. Студенттер оқытушымен бірге топтарға бөлініп, физикалық тексеру дағдыларын үйренеді және өзара тәжірибе алмасады, бұл көптеген медициналық мектептерде қалыпты тәжірибе. Пациенттерді стандартталған тексеру сеанстары да соңында қорытынды практикалық емтихан алдындағы осы курстың бөлігі болып табылады.

Клиникалық практикалар

Клиникалық практикалар барысында студенттер амбулаториялар, емханалар және дәрігерлердің кабинеттері сияқты әртүрлі жағдайларда медициналық практиканы бақылайды.

Жетілдірілген физикалық тексеру

«Жетілдірілген физикалық тексеру» курсында студенттер бұрын алған дағдыларын нақты пациенттерге қолданады, бұл бірінші курста өткен материалдың мінсіз жалғасы болады. Олар пациенттің төсегінде орыс немесе қазақ тілдерінде оқытушылардың бақылауымен медициналық сұхбат жүргізіп, физикалық тексеру өткізеді.

Жетілдірілген медициналық сұхбат

Бұл курстың мақсаты – нақты пациенттерді сұрау мүмкіндігіне ие болғаннан кейін медициналық сұхбат жүргізу дағдыларын тереңірек меңгеру. Сондай-ақ, біз толық медициналық сұхбаттың құрылымдалған форматын түсіндіреміз, сұхбаттың әлі таныстырылмаған бөлімдерін сипаттаймыз және тәжірибе жасауға әрі стандартталған пациенттер мен фасилитаторлардан кері байланыс алуға мүмкіндік береміз.

Клиникалық процедуралар

«Клиникалық процедуралар» курсы студенттерді клиникалық практика кезінде пациенттерге жүргізе алатын кейбір негізгі диагностикалық және терапиялық инвазивті және инвазивті емес процедуралармен таныстырады. Бұл курс заманауи симуляция орталығында электрондық манекендердің көмегімен өткізіледі.

Медициналық анатомия

Анатомиялық білім қазіргі заманғы медициналық практиканың іргетасының бірі болып қала береді. Бұл курс анатомиялық және медициналық терминологиямен таныстыруға және адамның функционалдық және жалпы анатомиясының барлық аспектілерін кеңінен қамтуға арналған жеті апталық бағдарламаны ұсынады. Курстың практикалық компоненті модельдерді, қаңқалық материалдарды және патологияларды көрсету арқылы дәрістік тұжырымдамаларды қайталауға және бекітуге бағытталған. Үш өлшемді оқу құралы - Anatomage столын пайдалану арқылы жоғары интерактивті оқу ортасы қолдау табады, ол жеке және командалық оқытуға арналған динамикалық тәсілді ұсынады.

Адам генетикасы

«Адам генетикасы» курсы студенттерге адам геномының ұйымдастырылуы, ДНҚ мен РНҚ-ның құрылымы мен функциясы, қарапайым және күрделі белгілердің тұқым қуалау механизмдері, геномика тәсілдері және оның медицинада қолданылуы, генетикалық және хромосомалық мутация түрлері және олардың адам ауруларындағы рөлі, ең жиі кездесетін генетикалық бұзылулардың клиникалық жағдайларын сипаттау және т.б. туралы жалпы білім беруге арналған.

Энергетикалық метаболизм

«Энергетикалық метаболизм» курсы әртүрлі жағдайларда ағзада жүретін метаболикалық процестерді түсіну негізін қалайды. Әртүрлі метаболикалық процестер (көмірсулар, липидтер және ақуыздар алмасуы) қарастырылады және өзара байланыстырылады, бұл процестердің сау және ауру адамдардағы айырмашылықтары, сондай-ақ метаболикалық бұзылуларды диагностикалау және емдеу туралы ақпарат айтылады.

Фармакология

Бұл курс аясында студенттер кеңінен қолданылатын дәрілік препараттардың негізгі принциптері мен әсер ету механизмдері, сондай-ақ олардың әсер ету жолдары туралы біледі. Студенттер фармакокинетика, соның ішінде сіңу, таралу, метаболизм және шығарылу, және фармакодинамика, соның ішінде дәрілердің рецепторлармен өзара әрекеттесуі туралы біледі. Студенттер агонист, антагонист (қайтымды, қайтымсыз, бәсекелес және т.б.), препараттың жартылай шығарылу кезеңі, таралу көлемі, биожетімділік, элиминация жылдамдығы, қисық астындағы ауданы және көптеген басқа тиісті терминдерді қоса алғанда, жалпы қабылданған фармакологиялық терминдерді үйренеді және қолданады. Сонымен қатар, холинергиялық агонистер мен антагонистер, адренергиялық агонистер мен антагонистер сияқты вегетативті жүйке жүйесіне әсер ететін препараттар егжей-тегжейлі қарастырылады. Бұдан басқа, студенттер негізгі дәрілік заттар кластарымен танысады, олардың әсер ету механизмдері туралы біледі және фармакология курсын клиникалық фармакологияның жалпы мәселелерін қарастыра отырып аяқтайды.

Аурудың жасушалық патологиялық негізі

Бұл курс жасушалар мен тіндердің қалыпты және ауру жағдайларында құрылымдық және функционалдық қасиеттеріне арналған. Жасушалық биология, гистология және патологияның негізгі принциптері жасушалардың қалыпты және қалыпсыз функцияларының молекулалық механизмдерін, сондай-ақ жасуша функцияларын қалпына келтіру үшін дәрілік заттарды пайдалану стратегияларын көрсету үшін негізгі фармакологиялық принциптермен бірге ұсынылады. Оқу форматы дәрістерді, топтық оқытуды (TBL), проблемаларға негізделген оқытуды (PBL), семинарлар мен зертханалық сабақтарды қамтиды. Бұл курсқа қатысатын оқытушылардың жасушалық биология және генетика, иммунология, нейробиология және патология сияқты салаларда тәжірибесі бар.

Денсаулық және аурулар саласындағы иммунология

Бұл курс студенттерге иммундық жүйенің денсаулық пен аурулардағы функцияларын және иммундық жүйеге байланысты кең ауқымды аурулардың даму негізінде жатқан патогенетикалық механизмдерді жақсырақ түсінуге мүмкіндік береді. Курс туа біткен және жүре пайда болған иммунитеттің молекулалық, жасушалық және функционалдық деңгейлеріндегі негізгі механизмдерді, иммундық реттеудің молекулалық аспектілерін, жасушалық сигнализация мен активацияны, гендердің реттелуі мен экспрессиясын, тіндік деңгейдегі молекулалық өзгерістердің әсерін, сондай-ақ иммундық жүйенің қызметін түзету және модуляциялау үшін терапиялық құралдарды пайдалануды зерттеуге баса назар аударады.

Медициналық микробиология

«Медициналық микробиология» курсы жұқпалы аурулардың негізгі ұғымдарымен таныстырады, ерекше назар бактериологияға, вирусологияға, паразитологияға, аурулардың берілу және емдеу механизмдеріне аударылады.

Нейроғылым

«Нейроғылым» курсы адамның жүйке жүйесінің ұйымдастырылуы мен жұмыс істеуін түсіну негізін қамтамасыз етеді. Ол нейроанатомия және негізгі физиология бойынша білімді жаңартуды қамтиды, сондай-ақ неврологиялық ауруларды диагностикалау және емдеу туралы ақпаратты қамтитын клиникалық жағдайлар ұсынылады. Сабақ барысында анатомиялық аспектілер нығайтылады және нейровизуализация әдістері зерттеледі. Курс құрылған тақырыптардың мүмкіндігінше бір апта ішінде бір мезгілде ұсынылатындай құрылған.

Жүрек-қантамыр жүйесі

«Жүрек-қантамыр жүйесі» курсы I блоктың «Орган жүйелерінің патофизиологиясы» бөлігінің бір бөлігі болып табылады. Бұл бес апталық курс жүрек-қантамыр жүйесінің анатомиясын, физиологиясын, фармакологиясын және патологиясын қамтиды және осы негізгі пәндерді клиникалық көрініспен, физикалық тексерумен, зертханалық диагностикамен және жүрек-қантамыр аурулары бар пациенттерді емдеумен біріктіреді.

Өкпе жүйесі

«Өкпе жүйесі» курсы тыныс алу механикасын, желдетуді, перфузияны, өкпенің функционалдық зерттеулерін, кеуде қуысының рентгенологиясын, этиологиясын, патогенезін, физиологиясын, өкпе ауруларының клиникалық аспектілері мен емін қамтиды, соның ішінде ХОБЛ, астма, муковисцидоз, саркоидоз, жіті респираторлық дистресс-синдром, пневмония, өкпе гипертензиясы және өкпе қатерлі ісігі.

Бүйрек жүйесі

«Бүйрек жүйесі» курсы бүйрек органдары жүйесінің анатомиясын, гистологиясын, физиологиясын, фармакологиясын және эмбриологиясын, сондай-ақ бүйрек ауруларының патофизиологиясы мен емін қамтиды. Алдымен студенттер бүйректің эмбриологиясы, анатомиясы және гистологиясымен танысады. Содан кейін бүйректің қалыпты физиологиясы, соның ішінде бүйрек қан ағымын реттеу, су және электролит гомеостазы, сондай-ақ бүйрек функциясын бағалау талқыланады. Курстың соңғы бөлігі су және электролит гомеостазының бұзылуларына, бүйрек ауруларына, сондай-ақ осы жағдайларды бағалауға және емдеуге арналған. Емдеуге бүйрек аурулары кезінде әдетте қолданылатын фармакологиялық құралдарды талқылау, сондай-ақ диализ және бүйрек трансплантациясы сияқты бүйректі алмастыру терапиясы кіреді.

Психиатрияға кіріспе

«Психиатрияға кіріспе» курсы аясында студенттер негізгі кең таралған психикалық аурулармен танысып, нейробиологиялық факторлардың мінез-құлықта қалай көрінетінін және осы түсініктен туындайтын емдеу тәсілдерін анықтайды. Бұл екі курстан тұратын блоктың бірінші бөлігі болып табылады және әр курс жеке бағаланады.

Эндокриндік жүйе

Бұл курс студенттерге эндокриндік жүйенің гомеостазға қосқан үлесін, эндокриндік аурулардың жалпы көріністерін және оларды емдеу жолын түсінуге мүмкіндік береді. Студенттер эндокриндік жүйенің қалыпты құрылымын, функциясын және ұйымдастырылуын зерттеп, эндокриндік жүйенің клиникалық маңызды ауруларының этиологиясымен, патофизиологиясымен, патологиясымен, диагностикасы, емдеуі мен болжамымен танысады.

Ас қорыту және тамақтану

Бұл 5 апталық курс АІЖ-нің қалыпты гистологиясын, физиологиясын және фармакологиясын, сондай-ақ АІЖ ауруларының патофизиологиясын, патологиясын және емін қамтиды. Бұл курс студенттер негізгі физиологиялық ұғымдардың негіздерін меңгергеннен кейін арнайы жоспарланған және дененің қалыпты жағдайда қалай жұмыс істейтінінен аурудың салдарынан оның бұзылған кезде не болатынына ауысуға қызмет етеді. Ғылыми және клиникалық медицинаның сау тепе-теңдігі ұсынылады деп күтілуде.

Гематология және онкология

«Гематология және онкология» курсы студенттерге медициналық гематология және онкология, хирургиялық онкология, радиациялық онкология, гинекологиялық онкология, патология, радиология, биостатистика және мінез-құлық медицинасы салаларында қажетті білім беруге арналған. Студенттер эритроциттер, лейкоциттер және тромбоциттердің этиологиясымен, патогенезімен және бұзылуларымен танысады, коагулопатиялар, антикоагулянттық және тромболитикалық терапия туралы түсінік алады, гематологиялық қатерлі ісіктерді диагностикалауды, бағалауды және емдеуді, сондай-ақ әртүрлі зертханалық әдістерді зерттейді. Студенттер онкологиялық аурулары бар пациенттерге кешенді күтім жасауға қатысатын әртүрлі жағдайлармен және пәндермен танысады.

Тері және тірек-қимыл аппараты

«Тері және тірек-қимыл аппараты» курсы тері және тірек-қимыл аппаратының, соның ішінде дәнекер тіндердің аурулары мен жағдайларына арналған. Студенттер кең таралған дерматологиялық және сүйек-бұлшықет ауруларының этиологиясын, патофизиологиясын және клиникалық көрінісін зерттеп, клиникалық нәтижелерді нақты аурулармен салыстырады, сондай-ақ терінің ауыр ауруларын азайтудағы профилактикалық шаралардың рөлін түсіндіреді.

Репродуктивтік биология және даму биологиясы

«Репродуктивтік биология және даму биологиясы» курсы акушерлік, гинекология, педиатрия және ерлердің репродуктивтік жүйесін қамтиды және репродукция мен дамудың қалыпты процестерінің негізгі принциптеріне арналған. Студенттер гаметогенез, эмбриогенез, жүктілікке бейімделу, ұрықтың дамуы, баланың қалыпты және қалыпты емес дамуы, жыныстық жетілу, менопауза және қартаю процесін зерттейді.

Медициналық этика және кәсібилік

Бұл курс дәрігерлік практиканы анықтайтын этикалық және кәсіби мәселелерді зерттеуді бастауға арналған. Курс 16 сабақтан тұрады және дүйсенбі күндері 13.00-ден 16.00-ге дейін өткізіледі. Сабақ бір сағаттық дәрісті қамтиды, содан кейін фасилитатор шағын топтарда талдау және талқылау жүргізеді. Курс кәсібилік пен этикалық талдаудың принциптерінің, медицинадағы дилеммаларды шешудің өзара толықтырушы және қарама-қайшы негіздерінің кіріспесінен басталады. Кіріспе негізді құрғаннан кейін, бірқатар мәселелер талқыланады, соның ішінде ақпараттандырылған келісім, өмірдің соңындағы күтім, аборттар, құпиялылық, дәрігерлік қателіктер, кәсібилікке қауіптер, кәмелетке толмағандарға күтім жасау. Кейбір сабақтарда биомедициналық этика және ғылыми зерттеулер этикасы мәселелері қарастырылады.

Мінез-құлық медицинасы

Бұл курс «Пациент, дәрігер және қоғам» (ПДҚ) блогының медицина бойынша оқу бағдарламасындағы екінші компоненті болып табылады. ПДҚ блогының басқа курстары: Ағылшын, орыс және қазақ тілдеріндегі медициналық терминология, медициналық этика және кәсібилік (МЭК), денсаулық сақтау жүйесі және басқару. Бұл курстар дәрігерлердің пациенттерге оңтайлы күтім көрсету үшін жеткіліксіз болуы мүмкін, бірақ маңызды болатын нақты дағдылар мен білімдерге қарамастан, медициналық көмек көрсетудің кең контекстінде жұмыс істейтінін көрсетеді. Бұл курста біз осы тұжырымның философиялық негіздемесінің бір бөлігін - биопсихоәлеуметтік модельді ұсынып, содан кейін пациенттермен жұмыс істеуде бізге болашақта көмектесуі мүмкін мінез-құлықты өзгерту модельдері мен әдістерін қарастырамыз.

Денсаулық сақтау жүйесі және әкімшілендіру

Бұл курс денсаулық сақтау жүйесіне әртүрлі деңгейлерде және денсаулық сақтауды басқару мәселелеріне байланысты маңызды тақырыптарға шолу жасайды. Сондай-ақ, ол денсаулық сақтау саясаты мен денсаулық сақтау экономикасындағы процестерді түсінуді қамтамасыз етеді. Курста денсаулық сақтау менеджерлері тап болатын мәселелерді шешуге көмектесетін ұлттық және халықаралық тәжірибеден алынған нақты мысалдар келтіріледі.

Дәлелді медицина және биостатистика

«Дәлелді медицина және биостатистика» курсы аясында студенттер медициналық зерттеулер бойынша рецензияланған әдебиеттерді сыни тұрғыдан интерпретациялау және медициналық тәжірибеде пайдалану үшін эпидемиологиялық талдаудың негізгі статистикалық әдістері мен аналитикалық құралдарын үйренеді. Алынған дағдылар қолжетімді ең жақсы дәлелдемелерді дұрыс пайдалану арқылы пациенттерге күтімді оңтайландыруға, жағымсыз жағдайлардың алдын алуды күшейтуге, диагностика, емдеу және жүргізуді жақсартуға, сондай-ақ болжауға көмектеседі.

Халық денсаулығы

«Халық денсаулығы» курсы денсаулық сақтау мәселелерін бір пациентке емес, тұтас популяцияларға қатысты шешу әдістерін ұсынады. Курс маргиналдық топтар мен жалпы халықтың денсаулығына әсер ететін әлеуметтік-экономикалық/мінез-құлық факторлары мен қауіп факторларын анықтау және бағалауды, халықтың денсаулығына әсерін барынша азайту үшін апаттарға және аурулардың өршуіне/эпидемияларына ден қоюды, сондай-ақ халықты қорғау үшін пациенттердің қауіпсіздігі және медициналық қызмет көрсету сапасы мәселелерін бағалауды және шешуді қамтиды. Әр сабақта бір сағаттық интерактивті дәріс өтеді, содан кейін нақты өмірден алынған жағдайларды зерттеу немесе орындарға бару арқылы топтық жұмыс жүргізіледі.

Анестезиологиялық практика

«Анестезиологиялық практика» курсы екі аптаға созылады және бір апта ересектер анестезиологиясына (Ұлттық онкология және трансплантология ғылыми орталығы) және бір апта балалар анестезиологиясына (Ұлттық ана мен бала ғылыми орталығы) арналған. Бұл практиканың жалпы мақсаты - студентке периоперациялық пациентті жүргізудің негізгі принциптерін түсіну. Клиникадағы пациенттермен танысу студентке сұхбат жүргізу және құжаттарды толтыру дағдыларын жетілдіруге мүмкіндік береді. Прецептор студенттің дайын екенін анықтағанда, оған процедураларға қатысу мүмкіндігі берілуі мүмкін.

Акушерлік-гинекологиялық практика

«Акушерлік және гинекология» курсы репродуктивтік және постменопауза жасындағы әйелдерге медициналық көмек көрсетуге арналған 4 апталық практика болып табылады. Студенттер амбулаторлық қызметтер (поликлиникалар мен кеңселер), акушерлік (босану залы) және гинекология (жеке қызмет және университеттік қызмет) сияқты үш клиникалық сегментте ротациядан өтеді. Күнделікті кесте педагогикалық қарап өтуді, амбулаторлық пациенттерді тексеруді, пациенттерді операцияға дайындауды және операциялар мен босану кезінде көмек көрсетуді, операциядан кейінгі және босанғаннан кейінгі күтімді, нақты жағдайларды зерттеу сабақтарын қамтиды. Өткізу орны - UMC (Ұлттық ана мен бала ғылыми орталығы және РБО).

Хирургиялық практика

Бұл 6 апталық практика жалпы хирургияның әртүрлі пәндерін қамтиды. Хирургия бойынша практикалық сабақтар Ұлттық онкология және трансплантология ғылыми орталығында өткізіледі. Курстың мақсаты – студенттерді кең таралған хирургиялық мәселелердің клиникалық көріністерімен және емдеуімен таныстыру. Курс сонымен қатар осы пәнге қатысты дағдыларды жетілдіруге бағытталған. Студенттер операцияға дейінгі және операциядан кейінгі пациенттерді жүргізуге қатысады және операциялық бөлмеге барады.

Педиатриялық практика

Бұл 8 апталық практика барысында студенттер педиатриялық пациенттермен негізінен стационарлық жағдайда танысады. Студенттер әр 2 апта сайын UMC Ұлттық ана мен бала ғылыми орталығының («ҰАБҒО») төрт түрлі педиатриялық бөлімшелерінде кезектеседі. Студенттер педиатриялық топқа бекітіліп, пациенттерге күтім жасау және оларды жүргізудің барлық аспектілеріне қатысады, оның ішінде ауру тарихын жинау және физикалық тексерулер жүргізу, ауру тарихын құрастыру және басқа медициналық топ мүшелерімен, емдеуші дәрігерлермен, жолдаушы дәрігерлермен, консультанттармен, отбасылармен және пациенттермен қарым-қатынас жасау. Сонымен қатар, студенттер ротация барысында өткізілетін конференцияларға, кейс талқылауларына және раундтарға қатысады.

Ересектерге арналған ішкі медицинасы бойынша практика

Бұл 8 апталық практиканың жалпы мақсаты – студенттерге жалпы клиникалық шағымдары бар ересек пациенттермен жұмыс істеу үшін қажетті тәжірибе алу мүмкіндігін беру. Суб-ротация кезінде студенттер өз пациенттерін алып, оқытушылар мен дәрігерлердің бақылауымен өздерінің клиникалық дағдыларын қолданады. Студенттер дәл және өзекті анамнез жинауды, физикалық тексеру жүргізуді, аурулардың түрлерін тануды және ауруларды емдеу тәсілдерін меңгеруді үйренеді. Практика Ұлттық онкология және трансплантология ғылыми орталығында, UMC-де өткізіледі.

Қарқынды терапия және шұғыл медицина бойынша практика

Қарқынды терапия және шұғыл медицина бойынша практика медициналық жоғары оқу орындарының түлектері үшін қажетті білім ретінде анықталған маңызды медициналық ауыр аурулар және шұғыл медицина салаларына бағытталған. Бұл практика пациенттерге күтім жасау бойынша практикалық тәжірибенің үйлесімін ұсынады. Студенттер қарқынды терапия бөлімшесі мен шұғыл көмек көрсету бөлімшесіне жіберіліп, науқастарға күтім жасау тобында белсенді мүшелер болады. Олар күнделікті педагогикалық қарап өтуді жүргізеді, пациенттердің жағдайын қадағалап, ауыр науқастар мен шұғыл көмек қажет ететін пациенттерді бағалайды және емдейді. Әрбір студент ШМНУ-мен байланысты дәрігердің бақылауында болады. Студенттер жансақтау және шұғыл көмек көрсету бөлімшесінің барлық күнделікті іс-шараларына қатысуы керек.

Бұл практика Екінші қалалық аурухананың жалпы жансақтау және шұғыл көмек көрсету бөлімшесінде өтеді. Практика барысында студенттер келесі нәрселерді үйренуі керек: ауыр науқастар мен шұғыл пациенттерде дифференциалды диагностика жүргізу, зертханалық және рентгенологиялық зерттеулерді ұтымды жүргізу, көптеген медициналық және хирургиялық мәселелері бар пациенттерді созылмалы жүргізу. Сондай-ақ, өмірге қауіп төндіретін неврологиялық немесе жүрек-қан тамыр аурулары бар пациенттермен байланысты мәселелер қарастырылады, оған мыналар кіруі мүмкін: өкпені жасанды желдету аппаратын басқару, гемодинамикалық тұрақсыздық кезінде жедел фармакологиялық терапия, тиімді антимикробтық терапия, нутритивті қолдау, мультисистемалық дисфункциялар. Бағалау процесі үш компоненттен тұрады:

1. Клиникалық құзыреттілік

2. Білімді бағалау

3. Жұмыс нәтижелеріне негізделген дағдылар

Жанұялық медицина бойынша практика

Жанұялық медицина бойынша практика - бұл 4 апталық ротация, ол отбасы мен қоғамдастық контекстінде жеке адамдарға күтім жасауға ерекше назар аудара отырып, пациенттерге кешенді және ұзақ мерзімді күтім жасауды қамтиды.. Практиканың жалпы мақсаты - студенттерге пациенттерге күтім жасау құзыреттілігін дамыту кезінде өз білімдері мен дағдыларын қолданатын қажетті тәжірибе беру. Бұл практика барлық басқа клиникалық практикалар мен стажировкалармен ДМ оқу бағдарламасының жалпы мақсаттарының бір бөлігі болып табылатын негізгі мақсаттар жиынтығын бөліседі. Студенттердің пациенттерді өз бетінше тексеріп, содан кейін оларды прецептормен бірге қарап шығуы, сондай-ақ қауымдастықтағы барлық оқу іс-шараларына қатысуы күтіледі. Әдетте, студенттер әр түстен кейін екі-үш пациентті қабылдайды. Студенттердің пациенттерге күтім жасаудың барлық мүмкін аспектілеріне, оның ішінде кейінгі тексерулерге қатысуы күтіледі. Негізінен олар амбулаторлық жағдайда жұмыс істегенімен, оларға мүмкіндігінше үйге бару және үйге шақыру сияқты жанұялық медицинаның әртүрлі іс-шараларына қатысу күтіледі.