NU Медицина мектебінің жалпы хирургия резидентурасы – бұл бағдарламаны науқастарға күтім көрсету және хирургиялық тәжірибе бойынша біліктілікті арттыратын іргелі және клиникалық зерттеулерге бағыттау арқылы жалпы хирургия бойынша медицина докторларын даярлауға арналған бес жылдық бағдарлама.

Жалпы хирургиядағы резидентура бағдарламасының негізгі мақсаты – іргелі және клиникалық зерттеулерде жақсы дайындықпен жалпы хирургияның барлық аспектілерін жақсы білетін поливалентті жалпы тәжірибелік хирургты дайындау. Біздің түлектер қоғамдық ауруханаларда немесе академиялық медициналық орталықтарда не университеттік оқу ауруханаларында клиникалық ПОҚ ретінде сенімді түрде тәжірибе ала алады.

Клиникалық тапсырмалар әрбір резидентке жауапкершіліктің сараланған деңгейін, науқастарға күтім көрсетудің үздіксіздігін, білім мен қызмет көрсету арасындағы тепе-теңдікті және прогрессивті клиникалық тәжірибені қамтамасыз ету үшін мұқият құрылымдалған.

Бес жылдық оқу бағдарламасы жалпы хирургияны оқытудың когнитивті, психомоторлық және нақты мақсаттары мен құзыреттерін қарастырады және резиденттерге хирургияның жалпы принциптері туралы кең түсінік алуға және тиісті техникалық дағдыларды дамытуға мүмкіндік береді.

Мансап: Резидентура түлектері дәрігер болып жұмыс істеуді жалғастырады.

Бағдарламаның мақсаттары:

• ACGME алты құзыретіне сәйкес алты негізгі құзыретіне сәйкес жоғары деңгейде өз рөлін өздігінен орындай алатын жалпы хирургия маманын дайындау
• Резидентті хирургиялық бейіндегі пациенттерге күтім жасау үшін қажетті кәсіби және көп мамандандырылған бригадаларды басқаруға дайындау
• Өмір бойы кәсіби шеберлік пен оқу дағдыларын қалыптастыру.

Бұл резидентура бағдарламасы Денсаулық сақтау министрлігі белгілеген басымдықтардың бірі болып табылатын Қазақстандағы жоғары оқу орнынан кейінгі медициналық білім беру реформасына үлес қосады. Басты ерекшеліктері:

• Әр түрлі медициналық қызмет көрсетушілердің біліктілігі мен дағдыларын тиімді пайдалану мақсатында олардың қызмет саласын оңтайландыру. Бұл резидентура бағдарламасы халықтың денсаулық сақтау саласындағы өзгермелі қажеттіліктерін қанағаттандыру үшін медициналық қызмет көрсетудің инновациялық және бірлескен модельдерін енгізуге ықпал етеді.
• Денсаулық сақтау саласындаДенсаулық сақтау саласындағы теңсіздіктер және пациенттерге күтімнің артуы, көптеген қатар жүретін аурулары бар адамдарға, қарияларға күтім жасау үшін әртүрлі жағдайларда кең ауқымды мамандықтар бойынша жалпы күтімді қамтамасыз етуге қабілетті мамандарды жеткілікті даярлау.
• Оқу білім берудің жоғары сапасын және тиісті бақылауды қамтамасыз ететін орындармен шектеледі, сондай-ақ, Назарбаев Университетінің Медицина мектебі мақұлдаған және сапасына кепілдік береді.
• Командалық және пациентке бағдарланған тәсілдерді қолдана отырып, медицина қызметкерлерінің жоғары сапалы медициналық қызметтер көрсетуі үшін қажетті дағдылар мен құзыреттерді игеруін және қолдауын қамтамасыз ету

1. Пациенттерге күтім жасау және процедуралық дағдылар

• Денсаулығындағы проблемалары бар пациенттердің денсаулығын нығайту үшін жанашыр, адекватты және тиімді күтім жасау мүмкіндігі. (PC1)
• Практиканың осы саласы үшін қажет деп саналатын барлық медициналық, диагностикалық және хирургиялық процедураларды құзыретті орындау қабілетінің болуы. (PC2)
• Қолды деңгейіне сәйкес қолдана білу. (PC3)
• Пациенттердің ауырсынуын басуды қоса алғанда, оларға күтім жасаудың кешенді жоспарларды орындау құзыреттілігі. (PC4)

2. Медициналық білім

• Қолданыстағы және дамып келе жатқан биомедициналық, клиникалық, эпидемиологиялық және әлеуметтік-мінездік ғылымдар саласында білімін көрсету (MK1)
• Клиникалық хирургияға қатысты іргелі ғылым негіздері туралы білімді көрсету (MK2)

3. Практика негізінде оқыту және жетілдіру

• Пациенттерге күтім жасауды зерттеу және бағалау, ғылыми деректерді бағалау және меңгеру, сондай-ақ тұрақты өзін-өзі бағалау және ұзақ мерзімді оқыту негізінде пациенттерге күтім жасауды үнемі жетілдіру мүмкіндігі. (PBLI1)
• Келесі мақсаттарға жету үшін қажетті дағдылар мен әдеттерді дамыту: (PBLI2)

а) өз білімі мен тәжірибесіндегі күшті жақтары, кемшіліктері мен жетіспеушіліктерді анықтау

b) оқыту және жетілдіру саласында мақсаттар қою

c) тиісті оқу іс-шараларын анықтау және орындау

d) сапаны жақсарту әдістерін қолдана отырып, тәжірибені жүйелі түрде талдау және тәжірибені жақсарту мақсатында өзгерістер енгізу;

e)қалыптастырушы бағалауды күнделікті тәжірибеге енгізу.

f) пациенттерінің денсаулығына байланысты ғылыми зерттеулердің деректерін табу, бағалау және меңгеру

g) оқытуды оңтайландыру үшін ақпараттық технологияларды қолдану

h) пациенттерді, отбасыларды, студенттерді, резиденттерді және басқа да медицина қызметкерлерін оқытуға қатысу;

i) пациенттерді емдеу нәтижелері бағаланатын және талданатын өлім мен сырқаттану мәселелері жөніндегі конференцияларға қатысуға

j) пациенттерді күтуге ғылыми негізделген тәсілді қолдану

4. Тұлғааралық дағдылар

• Пациенттермен, олардың отбасыларымен және медицина қызметкерлерімен тиімді ақпарат алмасуды және ынтымақтастықты қамтамасыз ететін тұлғааралық және коммуникациялық дағдылар (ICS1)
• Пациенттермен, отбасылармен және қоғаммен тиімді қарым-қатынас, қажет болған жағдайда, әлеуметтік-экономикалық және мәдени жағдайлардың кең ауқымында (ICS2)
• Дәрігерлермен, басқа денсаулық сақтау мамандарымен және денсаулық сақтау мекемелерімен тиімді байланыс (ICS3)
• Медициналық персоналдың немесе басқа кәсіби топтың (ICS4)басшысы ретіндегі тиімді әрекеттер
• Басқа дәрігерлер мен медицина қызметкерлеріне консультациялық көмек көрсету (ICS5)
• Медициналық құжаттаманы жан-жақты, уақтылы және түсінікті жүргізу (ICS6)
• Пациенттер мен олардың отбасыларына кеңес беру және үйрету (ICS7)
• Практикалық іс-шаралар туралы тиімді құжаттық есептілік (ICS8)

5. Кәсібилік

• Кәсіби міндеттерді орындауға және этикалық қағидаларды сақтауға бейілділігін көрсету. (P1)
• Басқаларға жанашырлық, адалдық және құрмет көрсету (P2)
• Жеке мүдделерді ығыстыра отырып, пациенттің талаптарына назар аударуын көрсету (P3)
• Пациенттің жеке өмірі мен дербестілігіне құрмет көрсету (P4)
• Пациенттерге, қоғамға және мамандығы бойынша жауапкершілігін көрсету, жынысы, жасы, мәдениеті, нәсілі, діні, мүгедектігі және жыныстық бағдары бойынша әртүрлілікпен шектелмеуді қоса алғандапациенттердің түрлі контингентіне сезімталдық пен жауаптылық көрсету (P5)

6. Жүйеге бағытталған практика

• Денсаулық сақтаудың кең контексті мен жүйесін сезіну және әрекет етуді, сондай ақ оңтайлы медициналық көмек көрсету үшін жүйенің басқа ресурстарын тиімді пайдалану мүмкіндігін көрсету (SBP1)
• Клиникалық мамандануына сәйкес медициналық қызмет көрсетудің әртүрлі жағдайлары мен жүйелерінде тиімді жұмыс істеу қабілеті (SBP2)
• Пациенттердің клиникалық мамандануына сәйкес келетін денсаулық сақтау жүйесі шеңберінде күтімді үйлестіру қабілеті (SBP3)
• Пациенттерге және/немесе халыққа көмек көрсету кезінде, қажеттілігіне қарай шығындар түсінігі және тәуекел мен пайданы талдаумен байланысты түсінігін ескеру мүмкіндігі (SBP4)
• Пациенттерге күтім жасау сапасын және пациенттерге күтім жасау жүйелерін оңтайландыруды қорғау мүмкіндігі (SBP5)
• Пациенттердің қауіпсіздігін жақсарту және оларға қызмет көрсету сапасын жақсарту үшін кәсіби қызметкерлермен жұмыс істеу мүмкіндігі (SBP6)
• Жүйелік қателерді анықтауға және ықтимал жүйелік шешімдерді іске асыруға белсенді қатысу (SBP7)
• Пациенттерге жоғары сапалы және үнемді күтімді қамтамасыз ету (SBP8)
• Тәуекел мен пайда арақатынасын талдау бойынша білімді көрсету (SBP9)
• Пациентті жалпы басқарудағы әртүрлі мамандар мен басқа да медицина қызметкерлерінің рөлін түсіну және кәсіби және көпсалалы персоналдың жұмысына белсенді қатысу (SBP10)

Бағдарламаны сәтті аяқтаған кезде бітірушілер:

• Өмірге қауіп төндіретін және шұғыл медициналық немесе хирургиялық көмекті қажет ететін шұғыл медициналық және хирургиялық жағдайларды білуді қоса алғанда, хирургиялық пациенттердің жағдайын бағалау
• Хирургиялық бейіндегі пациенттерге күтім жасаудың ұтымды жоспарын әзірлеу, бағалау және жүзеге асыру
• Төсек тартып жатқан пациенттерді күту, клиникалық жағдайларды баяндау, медициналық карталармен және қолжазбалармен жұмыс істеу кезінде жазбаша және ауызша қарым-қатынас дағдыларын меңгеру.
• Хирургиялық әдебиеттерді қолдану және қолдану дағдыларын меңгеру, хирургия саласында білім алу және зерттеу процесін түсіну және оған қатыса білу

Бағдарлама бойынша оқытудың осы нәтижелері (БОН) ACGME "Жалпы хирургия бойынша резидентура бағдарламасы бойынша оқытудың негізгі кезеңдері" жобасына сәйкес келеді. Бұл негізгі кезеңдер мамандандырылған клиникалық жағдайларда қажетті барлық негізгі аспектілерде, дағдылар мен құзыреттерде резидент дәрігердің үлгерімін көлденең және бойлай бағалауға негіз береді.

Әрбір есепті кезең үшін талдау және есеп беру тікелей бақылау, бірнеше көздерден кері байланыс, тестілер, жазбаларды талдау және т. б. сияқты әртүрлі әдістермен алынған деректерді пайдалана отырып, негізгі кезеңдерге қатысты резиденттің ағымдағы тиімділік деңгейін ең жақсы түрде сипаттайтын бақылау деңгейін таңдауды қамтиды. Кезеңдер нөмірленген деңгейлерде орналасқан. Бұл деңгейлер жоғары оқу орнынан кейінгі білім беру бағдарламасы бойынша оқу жылына сәйкес келмейді.

1 ҚАДАМ. Жеке кабинетті құрыңыз

Жеке кабинетті құру үшін www.admissions.nu.edu.kz порталында тіркеліңіз. Жеке кабинетте берілген өтінім беру тәртібі туралы нұсқауларды оқыңыз.

2 ҚАДАМ. Өтінім формасын толтырып, қажетті құжаттарды тіркеңіз

Өтінім формасын толтырып, қажетті құжаттарды тіркеңіз:

1. Жеке куәліктің немесе төлқұжаттың сканерленген көшірмесі;

2. Жеке кабинеттегі үлгі бойынша қорытынды оқу үлгерімі туралы орта мектеп немесе жоғары оқу орны туралы аттестаттың (аттестат/диплом) сканерленген көшірмесі немесе мектептен анықтама (справка);

3. Ағылшын тіліндегі мотивациялық хат;

4. Сертификаттардың жарамды көшірмелері. Стандартталған тесттердің нәтижелері тест әкімшілері арқылы тікелей Университетке жіберілуі керек.

3 ҚАДАМ. Өтінім беру ақысын төлеңіз

Өтінім беру ақысы банк картасымен сіздің жеке кабинетіңіз арқылы онлайн режимінде төленеді.

Тіркелу жарнасы 10 000 теңгені құрайды. Тіркелу жарнасы өтінімдерді қабылдаудың бірінші бекітілген мерзімге дейін соңғы екі апта ішінде және өтінімдерді қабылдауды ұзарту кезеңінде төленген жағдайда төленетін сомадан 3 есе артады. Бұл сома қайтарылмайды.

4 ҚАДАМ. Тіркеу процесін аяқтаңыз

“Submit application” түймесін басу арқылы тіркеу процесін аяқтаңыз. Жіберілгеннен кейін үміткерлер өз өтінімдерін өзгерте алмайды.

5 ҚАДАМ. IELTS/TOEFL сертификаттарын жүктеп салыңыз

Жеке кабинетіңізде "Upload IELTS/TOEFL" секциясына IELTS/TOEFL сертификаттарын жүктеп, сертификат туралы қажетті ақпаратты толтырыңыз.

Одан арғы қадамдар

Өтініміңіздің статусы туралы білу үшін НУ Студенттерді қабылдау департаментінен және жеке кабинетіңізден келетін хабарландыруларды көру үшін электрондық поштаңызды тексеріңіз.

Тіркелу немесе онлайн өтінім беру кезінде қиындықтар туындаса, info_admissions@nu.edu.kz мекенжайына хабарласыңыз. Сұрауларыңызды жіберу кезінде ЖСН және/немесе өтінім берушінің ID нөмірін қолданыңыз.

Резидентура бағдарламалаcына онлайн өтінім беру мерзімі - 2024 жылдың 12 ақпанынан 2024 жылдың 10 маусымына дейін.

Барлық тіркелген үміткерлер өз конкурсқа қатысу өтінімінің статусы туралы Жеке кабинетте таныса алады. Төмендегі статустардың сипаттамасы үміткердің Жеке кабинетінде қойылу ретімен орналастырылған.

Application in processing. Үміткердің құжаттарыңы тексерістен өтуде екенін білдіретін аралық статус. Қабылдау комиссиясы өтінімді және құжаттарды тексеріп, келесі кезең туралы хабарлайды. Қорытынды шешім туралы ақпарат үміткердің электрондық поштасына жіберілетін болады.

Does not meet entry requirements. Үміткер бағдарламаның ең төменгі қабылдау талаптарына сәйкес келмейді. Бұл статус Университеттің Студенттерді оқуға қабылдау департаменті өтініш нысандарын және құжаттарды тексергеннен кейін қойылады.

Disqualified. Емтихандағы немесе байқаудағы өрескел бұзушылықтар үшін конкурстан шығарылған. Мысалы, ол қасақана жалған ақпарат берді.

Rejected by Admissions Committee. Конкурс кезеңдердің бірінде Қабылдау комиссиясы үміткерді бағдарламаға ұсынбауға шешім қабылдады.

Transfer to another program. Үміткердің өтінішін қарастыру кезінде Қабылдау комиссиясы үміткерді сол мектептегі басқа бағдарлама Қабылдау комиссиясының қарауына ұсынуға шешім қабылдады.

Pending. Үміткердің өтініші қаралуда.

Waiting list. Қабылдау комиссиясы үміткердің өтінішін қарауды аяқтап, оны күту тізіміне қою туралы шешім қабылдады. Мұндай үміткерлер Университеттен хабарлама күтуі керек, өйткені басқа үміткерлер оқудан бас тартса, оларға оқуға шақыру хаты жіберілуі мүмкін.

Recommended for admission to program. Қабылдау комиссиясы үміткерді бағдарламаға ұсынуға шешім қабылдады.

Recommended for conditional admission. Қабылдау комиссиясы үміткерді бағдарламаға шартты түрде ұсыну туралы шешім қабылдады. Үміткер көрсетілген мерзім ішінде қажетті құжаттарды тапсырып, шартты орындауы қажет.

Withdrawn. Конкурстан алып тастау туралы шешім қабылдаған үміткерлер.

Accepted Program admission offer. Статус оқуға шақыру хаттарын алған, келісімін берген және Университеттің ұсыным-хатындағы барлық шарттарын орындаған үміткерлерге қойылады

Refused admission offer. Үміткерді қабылдау ұсынылды, бірақ ол оқудан бас тартты.

Refused in favor of another NU program. Бірнеше жоғары оқу орнынан кейінгі бағдарламаға тапсырған үміткерлерге қатысты статус. Үміткер басқа бағдарламаны таңдау туралы шешім қабылдағанда қойылады.

Deferred. Үміткер бағдарламаға қабылданды, бірақ оқуын келесі жылға қалдыруға шешім қабылдады.

Did not submit the documents/Refused. Үміткер құжаттардың түпнұсқасын белгіленген уақытқа дейін тапсырмады, яғни Университетте білім алудан бас тартты.

Did not come to Orientation week/Refused. Үміткер оқу туралы ұсынысты қабылдады, құжаттарын тапсырды, бірақ бағдарлау аптасына қатыспады. Босатылған орынға күту тізіміндегі үміткерлерді шақыруға болады.

Enrolled to program. Үміткер Университетке негізгі бағдарламаға оқуға қабылданды. Статус Провосттың қабылдау туралы шешімі шыққаннан кейін қойылады.Үміткер ресми түрде студент болып саналады.

PGY 1

Бұл ротациялар резидентке отаға дейінгі және кейінгі хирургиялық көмектің негіздерін және тіндерді өңдеу, қарапайым және күрделі жараларды тігу, ашу және негізгі жалпы хирургиялық процедураларды орындау сияқты хирургиялық техникалық дағдылардың берік негізін қамтамасыз етуге арналған. Ротация жалпы және тамырлы хирургия, кеуде бөлігінің хирургиясы, травматология және балалар хирургиясы, анестезиология, колоректальды хирургия, асқазан-ішек хирургиясы, эндокриндік/ сүт безі хирургиясы, амбулаториялық клиника, реанимация бөлімінде бір айлық тәжірибеден тұрады.

PGY 2

Бұл ротациялар резидентке ауыр науқастардың, сондай-ақ құрсақ қабырғасының жарығы, тоқ ішек қатерлі ісігі және іштің жедел қабыну аурулары сияқты жалпы хирургиялық аурулары бар науқастардың жағдайын бағалау және оларға күтім жасау үшін қажетті білім, тәжірибе және пайымдауларды ұсынуға арналған. Ротацияға хирургиялық онкология, жалпы хирургия, кеуде бөлігінің хирургиясы, травматология, колоректальды хирургия, эндокриндік/ сүт безі хирургиясы, реанимация бөлімі, эндоскопия және трансплантация хирургиясы бойынша бір айдан екі айға дейінгі тәжірибе кіреді.

PGY 3

PGY-3 курсында оқу кезінде хирургиялық техникаға және трансплантация хирургиясы, тамыр хирургиясы, кеуде бөлігінің хирургиясы, тоқ ішек және тік ішек хирургиясы, жалпы хирургия және асқазан-ішек хирургиясын қамтитын ротация арқылы дағдыларды жетілдіруге баса назар аударылады. Тапсырмалар төрт аптадан алты аптаға дейін созылады. 3-курс резидент-хирургтары жалпы хирургия бойынша жоспарлы және шұғыл хирургиялық кеңес беруге жауапты.

PGY 4

PGY-4 курсында оқу кезінде хирургиялық онкология, тоқ ішек және тік ішек хирургиясы, жоғарғы асқазан-ішек жолдары, травматология және эндокриндік хирургияны қамтитын ротация арқылы хирургиялық техникаға және дағдыларды жетілдіруге баса назар аударылады. Тапсырмалар алты аптадан он аптаға дейін созылады. 4-оқу жылының хирургиялық бөлімшесінің резиденттері хирургиялық науқастарға күтім жасауда көшбасшылық рөл атқара бастайды. Бұл резиденттер жалпы хирургия бөлімшелерінде жоспарлы және шұғыл хирургиялық кеңес беруге жауапты. Емдеуші хирургтардың басшылығымен бұл резиденттер сүт безінің биопсиясы, аппендэктомия, холецистэктомия, зерттеу лапаротомиясы және колостомияны қоса алғанда, негізгі және лапароскопиялық жалпы хирургиялық процедуралардың кең ауқымын орындайды.

PGY 5

Бұл бітіру жылының басты мақсаты – клиникалық тәжірибенің саны мен алуан түрлілігін барынша арттыру, диагностикалық және терапевтік дағдыларды шыңдау, тәуелсіз кеңесшілерді және тәуелсіз, құзыретті және өзіне сенімді жалпы тәжірибелік хирургтарды оқытып шығару. Клиникалық ротациялар арқылы бас резидент негізгі және күрделі жалпы хирургиялық проблемалары бар науқастарды қарау бойынша тәжірибе жинайды. Емдеуші хирургтың басшылығымен бас резидент хирург жалпы хирургия, хирургиялық онкология, колоректальды және жоғарғы асқазан-ішек жолдары бөлімдеріндегі науқастарына ота алдындағы, хирургиялық және отадан кейінгі үздіксіз күтім көрсетуді басқаруға жауапты.

Білім беру қызметі

Бағдарлама барысында жоспарланған конференциялар үнемі өткізіліп тұрады. Хирургиялық қызмет конференциясы апта сайын ауру мен өлімнің барлық жағдайларын қарастырады. Іргелі ғылым және клиникалық мәселелер бойынша апта сайынғы семинарлар сериясы хирургиялық көмекке қатысты негізгі мәселелер бойынша негізгі оқу бағдарламасын қарастырады. Басқа клиникалық кафедралар мен іргелі ғылымдар кафедраларының хирургиялық қызметкерлері мен ПОҚ мүшелері баяндама жасайды. Хирургиялық гранд турлар айына бір рет өткізіледі және жалпы хирургияның барлық аспектілері, мысалы, қан тамырлары, эндокриндік, травматологиялық және асқазан-ішек хирургиясы, сондай-ақ хирургиялық мамандықтар бойынша таныстырылымдарды қамтиды.