Биомедициналық ғылымның қарқынды дамуын ескере отырып, студенттерге күрделі және жақында ашылған ғылыми тұжырымдарды үйренуге көбірек уақыт бөлу үшін, болашақ дәрігерлердің медицинаға дейінгі жылдарында іргелі ғылымдарды оқытуға және қайта қарауға қажетті уақытты медициналық мектеп жылдарында қысқартуға мүмкіндік беретін мықты ғылыми негіз құру өте маңызды. Pre-Medicine студенттері негізгі биомедициналық ғылымдар бойынша берік білімге ие болуы және олардың физика ғылымдары мен математикамен байланысын түсінуі керек. Сонымен қатар, жақсы дәрігер болу үшін адаммен қарым-қатынастың маңыздылығын ескере отырып, бағдарлама студенттерінің гуманитарлық және әлеуметтік ғылымдар саласындағы білімі болуы өте маңызды.

Студент біздің Медицина докторы бағдарламасына MCAT-сыз өту мүмкіндігіне ие болады. Дегенмен, Медицина ғылымдары саласындағы бакалавры (Pre-Medicine) бағдарламасына қабылдау және оны аяқтау Медицина докторы бағдарламасына өтуге кепілдік бермейді. ШМНУ-да құрылған Медицина докторы бағдарламасына өті бойынша Үлгерім комитеті студенттің келесі критерийлерге сүйене отырып, ілгерілеуін шешеді: Үлгерім комитетімен сұхбат, GPA 3.0 немесе одан жоғары, бағдарлама кезіндегі кәсіби мінез-құлық, сабақтан тыс іс-шаралар, ұсыныс хаттары, Үлгерім комитеті сұраған қосымша құжаттар.

Алғашқы екі жылда «Медицина ғылымдары саласындағы бакалавры» бағдарламасы академиялық тәжірибені кеңейту және студенттерге оқуды сәтті аяқтау үшін қажетті білім, дағдылар мен атрибуттарды дамытуға көмектесу үшін жаратылыстану, гуманитарлық және әлеуметтік ғылымдардың әртүрлі салаларындағы курстары бар бакалавриаттың негізгі оқу жоспарын пайдаланады. Үшінші курстың бірінші жартысында студенттер биомедициналық ғылымдар саласындағы курстарды өтіп, оларды төртінші оқу жылында өтетін тереңдетілген курстарға дайындайды. Сонымен қатар, үшінші курстың екінші жартысы студенттерге биомедициналық ғылымдар саласында ғылыми зерттеуді жобалау, эксперименттер жүргізу және алынған мәліметтерді жинау, түсіндіру, статистикалық талдау және деректерді ұсыну арқылы олардың зерттеу дағдыларын дамытуға көмектесетін басты жобаға арналады. Төртінші жыл медициналық мектептің бірінші курсында оқытылатын тереңдетілген курстарға арналады. Бұл әдіс студенттерге денсаулық пен аурудағы күрделі патологиялық процестер туралы білім мен түсінік алуға мүмкіндік береді.

Бағдарламаның негізгі мақсаттары:

• жаратылыстану, гуманитарлық және әлеуметтік ғылымдар саласында әртүрлі курстық дайындықтан өткен, биомедициналық ғылымдардың негіздерін терең түсініп, олардың физикалық ғылымдар мен математикамен байланысын түсінетін жан-жақты дамыған студенттерді дайындау.
• интеллектуалды тұрғыдан студенттерді сынайтын және оларды зерттеу эксперименттерін әзірлеуге және жүргізуге, алынған деректерді талдауға және ұсынуға үйрететін оқу ортасын және тәжірибені қамтамасыз ету, сонымен қатар шығармашылық және қызығушылығы жоғары, топтық ортада тиімді жұмыс істей алатын тұлғаларды тәрбиелеу.
• адам ағзасының әртүрлі жүйелерінің күрделілігін, өзара әрекеттесуін және өзара тәуелділігін жақсы түсінетін, медициналық мектептің алдын ала талаптарын қанағаттандыратын және Медицина мектебінде және магистратура мен докторантура бағдарламаларында сәтті оқуға дайын мамандарды дайындау.
• либералды білімді биомедициналық ғылымдар саласындағы білім, дағдылар және пәнаралық тәжірибемен біріктіру арқылы өмір бойы білім алуға және сыни ойлауды дамытуға ықпал ету.

Бағдарлама жоғары білікті дәрігер болғысы келетін студенттерге арналған "Медицина докторы" бағдарламасына түсуге мүдделі студенттер үшін арнайы әзірленген. Сонымен қатар, түлектер магистр немесе философия докторы дәрежесін алу үшін магистратураға және докторантураға түсуге, сондай-ақ бакалавр дәрежесін алғаннан кейін зерттеу жұмыстарына дайын болады.

Бағдарламаны сәтті аяқтағаннан кейін түлектер:

• негізгі физикалық және химиялық принциптерді және олардың тірі жүйелерді түсіну үшін қолданылуын, сондай-ақ организмдердің ішкі ортасын қалай сезінетінін және басқаратынын және олардың сыртқы өзгерістерге қалай жауап беретінін түсіндіре алады;
• табиғаттағы құбылыстарды сипаттау немесе түсіндіру үшін сандық ойлау мен тиісті математиканы қолдана алады;
• зерттеу эксперименттерін әзірлеп, жүргізе алады, алынған деректерді талдап, ұсына алады, сондай-ақ ғылыми мәселелерді шешу үшін барлық қолжетімді ресурстарды пайдалана алады және ақпаратты сыни тұрғыдан бағалай алады;
• моральдық, этикалық және құқықтық мінез-құлықтың жоғары стандарттарына сәйкес келетін кәсіби және жеке мінез-құлықты көрсете алады, сондай-ақ тиімді қарым-қатынас және командада жұмыс істеу дағдыларына ие болады;
• әлеуметтік және медициналық қызметтер саласында менеджмент және кәсіпкерлік білімдерін жұмыс ортасында қолдана алады.

1 ҚАДАМ. Жеке кабинеті ашу

Жеке кабинеті ашу үшін www.admissions.nu.edu.kz порталында тіркеліңіз. Жеке кабинетіңізде тіркелу нұсқаулығымен міндетті түрде танысып өтіңіз.

2 ҚАДАМ. Өтінім беру нысанын толтыру және қажетті құжаттарды жүктеу

Жеке кабинетте өтінім беру нысанын толтырып, қажетті құжаттарды жүктеңіз:

• Оқу орнынан берілетін анықтаманың (фотомен бірге) сканерленген көшірмесі (Жеке кабинетте 3 тілде ұсынылған үлгілердің біреуін таңдаңыз) немесе бар болған жағдайда қосымшасы бар аттестат/дипломның сканерленген көшірмесі.
• Жеке куәліктің және/немесе паспорттың сканерленген көшірмесі. Egov немесе басқа порталдан/електрондық сервистерден алынған көшірме қарастырылмайды. Маңызды: қабылдау емтиханын тапсыру үшін талапкерде Жеке кабинетке жүктелген паспорттың немесе жеке куәліктің түпнұсқасы міндетті түрде болу керек;
• Жеке кабинеттің «Profile» бөліміне құжаттарға арналған 3*4 форматындағы фотоны жүктеңіз.

Қажетті құжаттардың форматы Жеке кабинетте орналасқан.

3 ҚАДАМ. Тіркелу жарнасын төлеу және өтінімді беру

Өтінім беру процесін аяқтау үшін Жеке кабинетіңіздегі «My Application Forms» бөліміндегі «PAY AND SUBMIT APPLICATION» түймесін басыңыз. Тіркелу жарнасы Жеке кабинетте қолжетімді төлем опциялары арқылы онлайн режимінде төленеді. Тіркелу жарнасын төлеудің басқа әдістерін қолдану қабылданбайды.

Тіркелу жарнасы 10 000 теңгені құрайды. Тіркелу жарнасы өтінімдерді қабылдаудың бірінші ресми бекітілген мерзімге дейін соңғы екі апта ішінде және өтінімдерді қабылдауды ұзарту кезеңінде тіркелу жарнасы 3 есеге артады (30 000 тенге). Өтінім берудің нәтижесіне немесе төлем қателеріне қарамастан, тіркелу жарнасы қайтарылмайды.

Банк картасы болмаған жағдайда, талапкер басқа адамның картасын пайдалана алады.

Тіркелу аяқталғаннан кейін өтінім беру нысанына өзгерістер енгізу және жүктелген құжаттарды ауыстыру мүмкін емес.

Студенттерді оқуға қабылдау департаментінің қызметкерлері Сіздің өтініміңіз бен құжаттарыңызды тексереді және қажет болған жағдайда, Сізге электрондық поштаңызға қандай құжаттарды және қай күнге дейін түзету керектігін хабарлайды. Толық емес және қате толтырылған (түзетілмеген) өтінімдер конкурста қарастырылмайды.

4 ҚАДАМ. IELTS/TOEFL сертификатын ұсыну (тіркеу жарнасы төлеп, өтінім бергеннен кейін ғана)

Талапкерлер IELTS/TOEFL сертификаттарын тапсыру үшін келесі талаптарды орындау қажет:

• IELTS/TOEFL жарамды сертификаттың ресми электрондық нұсқасы Тест әкімшісі арқылы тікелей Назарбаев Университетіне жіберілуі қажет;
• Сертификаттың сканерленген көшірмесін жүктеу және оның бірегей нөмірін Жеке кабинеттің «Upload IELTS/TOEFL results» бөліміне енгізу қажет. Конкурсқа қатысу үшін сертификаттың кез-келген санын тапсыруға болады, алайда Жеке кабинетке тек соңғы болып жүктелген сертификат қана қарастырылады.

IELTS/TOEFL сертификаттары суперскорингсіз қарастырылады.

Тест әкімшісі немесе Тест орталығы арқылы тест нәтижелерін тапсыру үшін кодтар туралы маңызды ақпаратқа назар аударыңыз:

• IELTS үшін код: NU, Admissions Department
• TOEFL iBT үшін код: 6762

Талапкердің Жеке кабинетінде IELTS/TOEFL сертификатын тапсыру бойынша толық Нұсқаулықты оқыңыз.

• Тілдік тесттер нәтижелерінің ең төменгі талаптарымен «Қабылдау емтихандары мен талаптары» бөлімінде танысуға болады.
• Тест орталығында емес, қашықтықтан тапсыруды ұсынатын тест нәтижелері, атап айтқанда, IELTS Online, TOEFL iBT Home Edition және TOEFL PDT нәтижелері конкурста қарастырылмайды;
• Тапсырылатын сертификаттар тиісті оқу жылының басы, яғни 2025 жылдың 1 тамызына дейін жарамды болу керек.
• IELTS/TOEFL сертификаттарын ұсынудың соңғы мерзімі «Маңызды күндер» бөлімінде көрсетілген.

IELTS/TOEFL сертификаттарының Назарбаев Университетінің электрондық базасына енгізу Университет құзыретіне кірмейді. Сіз Тест орталығына өзіңіз хабарласып, кажетті сертификаттың жіберілгендігіне көз жеткізуіңіз қажет. Бұл әрекет кем дегенде 7-10 жұмыс күнін алатынын ескертеміз. Егер сертификат Студенттерді оқуға қабылдау департаменті белгілеген мерзімінен кеш келсе, нәтижелер конкурста қарастырылмайды.

Одан арғы қадамдар

NUET емтиханына 1-2 апта қалғанда электрондық поштаңызды тексеріңіз, себебі Сізге емтихандағы тәртіп ережелері, емтиханның өту орны мен уақыты туралы ақпарат жіберіледі.

Кейбір жағдайларда Университет хабарламалары спам жәшігінде болуы мүмкін екендігін есте сақтаңыз.

Тіркелу кезінде қандайда бір қиындықтар болса, info_admissions@nu.edu.kz электрондық поштасына сауалыңызды жіберуіңізге болады. Сауал жіберген кезде, (ҚР азаматтары үшін) ЖСН мен әрбір талапкерге берілетін жеке кабинеттегі Applicant ID нөмірін жазуды ұмытпаңыз.

Барлық санаттар үшін міндетті қабылдау талаптары

• Конкурста тек superscoring-сіз IELTS/TOEFL тесті қарастырылады
• IELTS Online, IELTS Indicator немесе TOEFL iBT Home Edition, TOEFL PDT конкурста қарастырылмайды.
• IELTS/TOEFL тесттердің сертификаттары талапкер оқуға тапсырып жатқан тиісті академиялық жылдың 1-тамызына дейін қолданылу мерзімі аяқталмаған болса ғана жарамды болып есептелінеді. 2023 жылдың 1 тамызына дейін тапсырылған тест нәтижелері конкурста қарастырылмайды.
• IELTS жалпы балы 6,0 болатын бакалавриат бағдарламасына оқуға қабылдануға ұсынылған талапкерлер Университеттің ішкі құжаттары бойынша белгілі бір оқу шарттарына сәйкес келуі керек.

Назарбаев Университетінің бакалавриат бағдарламасы бойынша конкурсқа қатысу үшін үміткерлер онлайн өтінім беруі керек.

• Сауалнама нысаны.
• Паспорттың немесе жеке куәліктің, немесе 16 жасқа толмаған талапкерлердің тууы туралы куәлігінің сканерленген көшірмесі.
• Жалпы орта білім туралы немесе колледждің мемлекеттік үлгідегі құжаттың қосымшасы бар нотариалды расталған сканерленген көшірмесі немесе оның халықаралық баламасы, А-level немесе UK Foundation Programme сертификаты (құжаттарды тапсыру сәтінде болған жағдайда) немесе Жеке кабинеттегі үлгіге сәйкес оқу орнынан анықтама (өтінім беру сәтінде бітіруші сыныптың/курстың оқушылары болып табылатын талапкерлер үшін ғана).
• NIS Grade 12 Certificate-ның нотариалды расталған сканерленген көшірмесі немесе оның болжамды нәтижесі мектеп растаған бағалармен қағаз нұсқасында, құжатты уақтылы ұсыну міндеттемесімен (тек NIS Grade 12 Certificate иегер түлектері үшін).
• Қосымшасы бар IB Diploma Programme нотариалды расталған сканерленген көшірмесі немесе оның болжамды нәтижесі мектеп растаған бағалармен қағаз нұсқасында, құжатты уақтылы ұсыну міндеттемесімен (тек IB Diploma Programme түлектері үшін).
• Ағылшын тіліндегі уәждеме хаттың сканерленген көшірмесі.
• Қолданыстағы ACT сертификатының немесе тест әкімшісінің жүйесінен жүктелген SAT Reasoning Test балдарының тексерілген нәтижелері. ACT және SAT сертификаттарының қолданылу мерзімі құжаттарды тапсыру сәтінде 3 жылдан аспауы тиіс. Егер талапкер бірнеше қолданыстағы SAT Reasoning Test нәтижелерін ұсынса, Superscoring қолданылады.
• Тест әкімшісінің жүйесінде расталған қолданыстағы IELTS немесе TOEFL сертификаты (конкурсқа қатысуға онлайн өтінім берген сәтте 2 жылдан артық емес) немесе қолданыстағы TOEFL PDT сканерленген көшірмесінің нәтижесі.
• Халықаралық және/немесе республикалық олимпиадалар дипломының/сертификатының электрондық сканерленген көшірмесі (олимпиадалардың жеңімпаздары үшін).
• Түпнұсқа тілінде және ағылшын тілінде оқытатын университеттен алынған транскрипттің сканерленген көшірмесі немесе оқу орны растаған бағалары бар оның болжамды нәтижесі (тек ауысатын студенттер ғана ұсынады).
• Оқытылған курстардың (пәндердің) екі тілдегі сипаттамасының сканерленген көшірмесі: түпнұсқа тілінде және ағылшын тілінде (тек ауысатын студенттер ғана ұсынады).
• Ағылшын тіліндегі екі ұсыным хат (тек ауысатын студенттер ғана ұсынады)

Оқуға қабылдауға ұсынылған талапкерлерге арналған құжаттардың тізбесі

1. Қосымшамен бірге жалпы орта, техникалық және кәсіби білімі туралы мемлекеттік үлгідегі құжаттың немесе оның халықаралық баламасының түпнұсқасы.
2. A-level /NIS Grade 12 Certificate-нің түпнұсқасы (тек A-level /NIS Grade 12 Certificate иегер түлектері үшін).
3. IB Diploma Programme-нің түпнұсқасы (тек IB Diploma Programme түлектері үшін).

Онлайн өтінімдерді беру соңғы мерзімдері:

• NUET талапкерлері халықаралық талапкерлерді қоса – 2024 жылғы 7 қазан – 28 қараша (Астана уақыты бойынша 14:00 дейін).
• басқа санаттар: SAT/ACT талапкерлері, IV диплом иегерлері, A-level/NIS 12-сынып сертификаттарының иегерлері, халықаралық және/немесе республикалық пәндік олимпиадалардың жеңімпаздары – 2024 жылғы 7 қазан – 2025 жылғы 27 наурыз (Астана уақыты бойынша 14:00 дейін).
• Халықаралық талапкерлер – 2024 жылғы 7 қазан - 2025 жылғы 27 ақпан (Астана уақыты бойынша 14:00 дейін).
• Full Tuition Based талапкерлер – 2024 жылғы 7 қазан - 2025 жылғы 12 маусым (Астана уақыты бойынша 14:00 дейін).

IELTS/TOEFL нәтижелерін ұсыну:

• NUET талапкерлері халықаралық талапкерлерді қоса – 2024 жылғы 19 желтоқсан (Астана уақыты бойынша 23:59 дейін).
• басқа санаттар: SAT/ACT талапкерлері, IV диплом иегерлері, A-level/NIS 12-сынып сертификаттарының иегерлері, халықаралық және/немесе республикалық пәндік олимпиадалардың жеңімпаздары – 2025 жылғы 3 сәуір (Астана уақыты бойынша 23:59 дейін).
• Халықаралық талапкерлер – 2025 жылғы 3 сәуір (Астана уақыты бойынша 23:59 дейін).
• Full Tuition Based талапкерлер – 2025 жылғы 19 маусым (Астана уақыты бойынша 23:59 дейін).

Тестілеу нәтижелері Назарбаев Университетінің Институционалдық код қолдана отырып, тест әкімшісі арқылы Университет мекенжайына міндетті түрде жіберіледі:

• NU, Admissions Department (IELTS TRF Verification Service арқылы) - IELTS үшін
• 6762 - TOEFL iBT үшін

• NUET қабылдау емтиханы: 2025 жылғы ақпан - наурыз
• Тілдік тесттер нәтижелерін жақсарту мақсатында қосымша IELTS/TOEFL сертификаттарын ұсынудың соңғы мерзімі (NUET емтиханын тапсырған талапкерлер үшін): кейінірек жарияланады.
• Оқуға шақыру хаттарын жіберу: 2025 жылғы мамыр - шілде.
• Құжаттардың қағаз нұсқаларын тапсыру(Университет сұранысы бойынша): 2025 жылғы маусым - шілде.
• Бағдарлау аптасы: кейінірек жарияланады.
• Оқудың басталуы: кейінірек жарияланады.

• Конкурстың алдыңғы кезеңінен өтпеген талапкерлер келесі кезеңге жіберілмейді.
• Үшінші кезеңде Қабылдау комиссиясы NUET және IELTS/TOEFL емтихандарының нәтижелері негізінде талапкерлер рейтингісін құрады. Бекітілген орын саны негізінде Қабылдау комиссиясы талапкерлерді Назарбаев Университетіне оқуға қабылдауға ұсынады.
• NUFYP-ке бөлінген орындар санына байланысты талаптарға сай келетін талапкерлер олардың рейтингтегі орындарына сәйкес грант шеңберінде NUFYP бағдарламасына оқуға шақыру хатын алады. Аталған талапкерлерге Қабылдау комиссиясының қабылданған шешімі туралы электрондық ресми хабарлама-хат жолданады. Талапкерлер өздерінің мәртебесін Жеке кабинетте көре алады.
• Грант шеңберінде оқуға қабылдауға ұсынылған талапкерлер қатарына кірмеген, алайда рейтингке кіретін талапкерлер күту тізіміне енгізіледі. Егер оқуға қабылдауға ұсынылған талапкерлер тізімінде бос орын пайда болса, күту тізіміндегі талапкерлерді Қабылдау комиссиясы оқуға қабылдауға ұсынуы мүмкін. Сондай-ақ, күту тізімдегі талапкерлерге Университеттің ішкі құжаттарына сәйкес қаржылық қолдауды қолдана отырып, ақылы негізде оқуға қабылдау конкурсына қатысу мүмкіндігі ұсынылуы мүмкін.
• Іріктеудің барлық кезеңдерінен сәтті өту Назарбаев Университетінің Дайындық мектебіне қабылдануға кепілдік бермейді.

Конкурстың әр кезеңінде талапкерге қойылатын статустардың сипаттамасы

Барлық тіркелген талапкерлер өздерінің конкурсқа қатысу өтінімінің статусымен Жеке кабинетте таныса алады. Төмендегі өтінімстатустардың сипаттамасы талапкердің Жеке кабинетінде қойылу ретімен орналастырылған.

Application in processing. Талапкердің өтінімі тексерістен өтуде екенін білдіретін аралық өтінім статусы. Студенттерді оқуға қабылдау департаменті конкурсқа қажетті құжаттарды тексеріп, қажет болған жағдайда келесі қадамдар туралы хабарлайды.

Needs to take NUET. Талапкерге NUET емтиханына келу қажеттілігін көрсету үшін емтиханның алдында қойылатын өтінім статусы. Оқуға шақыру хат пен нұсқаулықтар емтиханға шамамен 5 күн қалғанда талапкердің электрондық поштасына жіберіледі. Емтихан кестесі «Маңызды күндер» бөлімшесінде қолжетімді.

Not allowed to take NUET. Талапкердің емтихан алдындағы оқуға қабылдау конкурсының талаптарына сәйкес келмеуіне немесе бұзуына байланысты оған NUET емтиханын тапсыруға рұқсат берілмеді. Ол Дайындық бағдарламасы бойынша оқуға түсу конкурсына қатысуын тоқтатады. Алайда, бакалавриат бағдарламасы бойынша талаптарға сай келген жағдайда, басқа категория арқылы коркурсқа қатысуын жалғастыра алады.

Passed NUET. NUET емтиханын сәтті тапсырып, өту балдарын алды.

Failed NUET. Талапкер NUET емтиханы бойынша өту балын ала алмады. Ол оқуға түсу конкурсына қатысуын тоқтатады.

Missed NUET. Талапкер NUET емтиханына келмеді. Ол оқуға түсу конкурсына қатысуын тоқтатады.

Meeting entry examinations minimum requirements. Талапкердің тапсырған құжаттары мен жинаған ұпайлары конкурстың ең төменгі талаптарына сәйкес келеді. Талапкер финалдық рейтингке енгізіледі және оған Университеттен хабарлама күту қажет. Егер ол емтихан бойынша жоғары балл жинаса, онда оның жақында оқуға шақыру хатын алу мүмкіндігі жоғары. Егер талапкердің емтихан балы жоғары болмаса, онда хабарламаны күтуі қажет. Орындар босаған жағдайда, оқуға шақыру хаты жіберілуі мүмкін.

Withdrawn. Талапкер өз қалауы бойынша конкурсқа қатысудан бас тартты. Бұл өтінім статусы конкурс басталғаннан бастап кез келген уақытта қойылуы мүмкін.

Withdrawn due to UG choice. Талапкер бакалавриат бағдарламасына оқуға шақыруды қабылдағандықтан, автоматты түрде NUFYP бағдарламасының конкурсынан шығарылды. Талапкер тек бір академиялық бағдарламаға және/немесе білім деңгейіне қабылдана алады.

Recommended for admission to NUFYP. Талапкер Қабылдау комиссиясының шешімі бойынша оқуға қабылдауға ұсынылады және қабылдау шарттары көрсетілген оқуға шақыру хатын алады.

Waiting list to NUFYP. Талапкер рейтингте төмен орналасуына байланысты оқуға шақыру хатын алушылар қатарына кірмеді. Алайда, бұрын оқуға ұсынылған талапкерлердің қайсыбірі гранттан бас тартқан жағдайда, оқуға шақыру хаты жіберілуі мүмкін. Бос орындар жоқ болған жағдайда, талапкер конкурстан шығарылады немесе ақылы оқу негізіндегі қосымша конкурсына қатыса алады.

Accepted admission offer to NUFYP. Талапкер көрсетілген мерзімде оқуға шақыру хатын қабылдағаннан кейін келісімді растайтын оқуға қабылдануға келісім нысанын тапсырып, кепілдік жарнаны төледі. Барлық төлемдер талапкердің Жеке кабинетінде жүргізіледі. Кез келген қате төлемдер қайтарылмайды. Төлемді іске асыру үшін нұсқаулықты орындаңыз.

Оқуға қабылдаудың келесі шарттары:

• Қажетті құжаттардың түпнұсқаларын тапсыру.
• Білім беру қызметтері туралы келісім-шартқа қол қою.
• Жаңадан келген студенттерге Дайындық мектебі өткізетін бағдарлау аптасына қатысу.

Refused admission offer to NUFYP. Талапкер оқуға шақыру хатын алғаннан кейін оқуға қабылдаудан бас тарту нысанын толтырды немесе оқуға қабылдау шарттарын орындамады.

Refused in favor of UG. Бұл өтінім статусы NUFYP және бакалавриат бағдарламалары бойынша конкурсқа қатысып жатқан талапкерлерде кездеседі. Талапкер бакалавриат бағдарламасын таңдаңғандықтан, NUFYP бағдарламасынан бас тартты. Бұл өтінім статусы талапкер NUFYP бағдарламасы бойынша оқуға шақыру хатынан ресми түрде бас тартқаннан кейін қойылады.

Rejected by Admissions Committee. Оқуға қабылдау үшін бос орындардың болмауына және конкурстық іріктеудің аяқталуына байланысты Қабылдау комиссиясы шешімімен талапкер конкурстан шығарылды.

Did not submit the documents/Refused. Талапкер көрсетілген мерзімде құжаттарды ұсынбады. Бұл талапкердің Университетте оқудан бас тартатынын білдіреді.

Did not come to Orientation week/Refused. Бағдарлау аптасына келмеді, яғни талапкер Университетте оқудан бас тартады.

Enrolled to NUFYP. Талапкер Провост шешімімен Университеттың Дайындық Бағдарламасына қабылданды. Бұл өтінім статусы оқуға қабылдау туралы шешім тіркелгеннен кейін қойылады. Студент мәртебесіне көшер алдында талапкер ретінде қойылатын соңғы статус.

Disqualified. Талапкер емтиханда немесе конкурс барысында Қағидаларды немесе талаптарды бұзуына байланысты конкурсқа қатысу құқығынан айырылды (дисквалификацияланды). Мысалы, емтиханда көшірді немесе көрінеу жалған ақпарат берді.

Оқуға қабылдау келесі реттілік бойынша жүзеге асырылады:

Талапкерлерді оқуға қабылдауға ұсыну. Оқуға қабылдауға ұсынылған талапкерлерге “Recommended for admission to NUFYP” статусы беріледі. Талапкерлер Жеке кабинетте “Admission results” бөліміне кіріп, оқуға шақыру хатын және соңғы мерзімдері мен талаптары көрсетілген Құжаттарды тапсыру бойынша нұсқаулықты таба алады.

Талапкерлердің оқуға келісуі. Талапкерлер оқуға қабылдауға келісім нысанына және кепілдік жарнасын төлеу нысанына Жеке кабинетте қол қоюы және 100 000 теңге көлеміндегі кепілдік жарнаны төлеуі қажет.

Кепілдік жарна келесі шарттар орындалғаннан кейін қабылданған студентке қайтарылады:

1) Назарбаев Университетінде оқыту бойынша қызметтерді көрсету шартына екіжақты қол қою;

2) Бағдарлау аптасына қатысу;

3) Студенттің бірінші семестрді жақсы академиялық үлгеріммен аяқтауы.

Оқуға қабылдануға құжаттарды ұсыну және келісім-шартқа қол қою. Талапкерлер Университет департаменттеріне қажетті құжаттарды оқуға шақыру хатта көрсетілген мерзімге дейін тапсыруы тиіс. Сол себепті, барлық талаптарды уақытылы орындау үшін оқуға шақыру хатты мұқият оқу қажет. Барлық құжаттар Университетке қағаз және электронды түрде белгіленген мерзімде ұсынылуы керек. Сонымен қатар, талапкерлер Дайындық мектебімен келісім-шартқа қол қояды.

Бағдарлау аптасына қатысу. Оқудың басталуына дейін барлық оқуға шақырылған талапкерлер Бағдарлау аптасына қатысады.

Оқуға қабылдау. Жоғарыда көрсетілген талаптар орындалғаннан кейін талапкерлер Университетке қабылданады. Оқуға қабылдау НУ Провостының шешімімен рәсімделеді.

Университетке қабылдану үшін Студенттерді оқуға қабылдау департаментіне тапсыратын қажетті құжаттар пакеті Құжаттарды тапсыру нұсқаулығында көрсетіледі.

Егер қосымшасы бар аттестаттың/дипломның түпнұсқасы қазақ, орыс немесе ағылшын тілінде болмаса, онда оған қоса, осы құжаттың ағылшын тілінде нотариалды куәләндырылған аудармасынын сканерлеген нұсқасын ұсыну қажет. Қабылдауға қажетті құжаттар пакетін уақытында тапсырмаған талапкерлер конкурсқа қатысу мүмкіндігінен айырылады.

Университет шетел азаматтары мен азаматтығы жоқ талапкерлерден қосымша құжаттарды сұрауға құқылы.

Университетке тапсырылған құжаттар қайтарылмайды. Тек қана қосымшасы бар жалпы орта білім (аттестат және қосымша) немесе техникалық және кәсіптік білім туралы (диплом және қосымша) құжаттың ресми түпнұсқасы оқуды бітіргеннен кейін немесе Университеттен шығарылғаннан жағдайда Регистратор Офисі арқылы қайтарылады.

Жыл 1: Семестр 1 (Күзгі семестр)

Жыл 1: Семестр 2 (Көктемгі семестр)

Жыл 2: Семестр 1 (Күзгі семестр)

Жыл 2: Семестр 2 (Көктемгі семестр)

Жыл 3: Семестр 1 (Күзгі семестр)

Жыл 3: Семестр 2 (Көктемгі семестр)

Жыл 4: Семестр 1 (Күзгі семестр)

Жыл 4: Семестр 2 (Көктемгі семестр)

Медицинаға кіріспе

Медицинаға кіріспе - бұл бір семестрге арналған кіріспе курс, ол «Медициналық ғылымдар» (Pre-Medicine) бағдарламасы туралы жалпы түсінік береді және студенттерді дәрігер мамандығының әртүрлі аспектілерімен таныстырады. Шақырылған баяндамашылар, дәрістер, сыныптағы талқылаулар және оқулар арқылы студенттер денсаулық сақтау саласында табысты жұмыс істеу үшін қажетті құзыреттер, кәсібилік және шешім қабылдау дағдылары туралы түсінік алады. Студенттер медицина және биомедицина саласындағы мансапты жоспарлау және дайындалу үшін ақпарат, ресурстар және құралдар алады.

Қазіргі биология I

«Қазіргі биология I» курсы молекулалық биологияның, жасушалық биологияның, биохимияның және эволюцияның негізгі принциптеріне арналған. Бұл принциптер молекулалық деңгейде ұсынылған: биологиялық макромолекулалардың құрылымы мен функциялары, осы молекулалардың жасушаға қалай интеграцияланатыны, жасушалық метаболизмнің негіздері, гендердің репликациясы, экспрессиясы және эволюциясы. Курс студенттерге жасушалық деңгейдегі өмірдің негізгі механизмдерін денсаулық/аурулар және биотехнологиялар үшін одан әрі болатын салдарымен түсіну үшін қажетті негіздерді береді.

Жалпы химия I

Жалпы химия I - химияға қызығушылық танытатын барлық студенттерге арналған жалпы химия бойынша дәрістер курсының екі семестрінің біріншісі. Бұл курс «Жалпы химия II» курсын оқудың алдын ала шарты болып табылады. Пән химияның негізгі заңдары мен теорияларын зерттейді және келесі жалпы тақырыптарды қамтиды: материя және өлшеу, молекулалық геометрия, байланыс теориялары, иондық және молекулалық қосылыстар, химиялық реакциялардың түрлері, атомдық және молекулалық масса, моль, стехиометрия, химиялық кинетика және термохимия.

Қазақ тілі

Осы курстарда студенттер төрт негізгі салада: тыңдау, оқу, жазу және ауызекі сөйлеуде тілдік құзыреттіліктерін дамытады немесе жалғастырады. Олар әртүрлі тақырыптар бойынша өз пікірін білдіруді, мәтінді талдауды, статистикалық деректерді салыстыруды және эссе жазуды үйренеді. Осылайша, олар осы салалардың әрқайсысына сәйкес келетін лексика мен грамматиканы оқиды. Сонымен қатар, осы курс аясында олар қазақ мәдениетін көрсететін жаңа терминдерді қосымша меңгереді.

Қазіргі биология II

«Қазіргі биология II» курсы молекулалық биология, жасушалық биология және биохимияның негізгі принциптеріне арналған. Ол мембраналардың құрылымы мен функциялары, энергия өндіру және метаболизмді реттеу механизмдері, цитоскелет, жасушадан тыс матрикс және жасушалардың қозғалысы, жыныстық көбею, жасушалық сигнализация, жасушалық циклді бақылау және онкогендік трансформация туралы түсінік береді. Лабораториялық курс екі семестрлік тізбектің екінші курсы болып табылады, ол молекулалық және жасушалық биологиядағы эксперименттік жұмыстың принциптері мен әдістерін ерекше атап көрсету үшін әзірленген. Бұл лабораториялық сабақтар студенттерді жасушалардың құрылымы мен функцияларын, жасушалық сигнализацияны, биомедициналық технологияларды, биотехнологияны, медициналық биологияны және аса маңызды биохимиялық жолдарды зерттеуге арналған эксперименттер жиынтығымен таныстырады. Курс студенттерге жасушалық деңгейдегі өмірдің негізгі механизмдерін денсаулық/аурулардың одан әрі болатын салдарымен түсіну үшін қажетті негіздерді береді.

Жалпы химия II

Бұл курс химиялық тепе-теңдіктерге, олардың «нақты мәселелерді» шешу үшін қолданылуына баса назар аудара отырып арналған. Өтпелі металдар және олардың кешендері кристалдық өріс теориясы мен молекулалық орбитальдар контекстінде талқыланады. Молекулалық спектроскопия және оның молекулалық сипаттама/талдаудағы қолданылуы ұсынылады. Сонымен қатар, курста органикалық химияның негізгі тақырыптары, соның ішінде стереохимия, құрылымдық изомерия, функционалдық топтар және реакциялардың қарапайым механизмдері қарастырылады.

Органикалық химия

Бұл пән алкандардың, алкендердің, алкиндердің, алкилгалогенидтердің, стереохимияның және спирттердің құрылысын, синтезін және реакцияларын зерттеуді қамтиды. Бұл курс жаратылыстану ғылымдарын зерттейтін студенттерді және басқа студенттерді тиісті салалардағы жоғарғы курс пәндерін оқуға дайындауға арналған.

Биохимия

Бұл курс студенттерге қазіргі биохимияның принциптері мен әдістемелерін түсінуге мүмкіндік беруге арналған. Курс биохимияның барлық негізгі тақырыптарын қамтиды, соның ішінде термодинамика және энзимология, аминқышқылдары мен нуклеин қышқылдары құрылымының егжей-тегжейлері, ДНҚ және ақуыздардың құрылымы, биохимиялық тұрғыдан синтез және функциялар, липидтердің құрылымы мен синтезі, сондай-ақ негізгі метаболикалық жолдар.

Базалық бизнес курсы

Бұл курс студенттерді кәсіпкерліктің негіздерімен таныстырады. Ол мүмкіндіктерді анықтау, идеялар генерациясы, бизнес-модельдер мен жоспарларды құру, сондай-ақ идеяларды ұсыну сияқты тақырыптарды қамтиды. Біз Қазақстан экономикасындағы кәсіпкерлік қызметтің рөлін талқылаймыз. Курс тез дамып келе жатқан кәсіпкерлікке арналған нұсқаулық болып табылады, ол теориялық негіздерді кейстер мен практикалық жаттығулармен біріктіреді.

Қазақстан тарихы

Бұл курс бүгінгі Қазақстанды құрайтын аумақтардың моңғол шапқыншылығынан бастап КСРО-ның ыдырауына дейін тарихын қамтиды. Курс тақырыптық көзқарасты және хронологиялық құрылымды біріктіреді. Біз бүгінгі Қазақстанды құрайтын жерлердің тарихының екі өзара байланысты аспектісін қарастырамыз. Біріншіден, соңғы бірнеше ғасырлар бойы билік қалай орнағанын, мойындалғанын және дауласқанын талдаймыз. Қазіргі мемлекеттер қалай пайда болды? Қоғам мен мәдениетті мемлекеттік бақылаудың шектері қандай болды? Діни және ұлттық сәйкестік саяси қауымдастықтарды біріктіруде және олардың ыдырауында қандай рөл атқарды? Саяси және экономикалық жаңғыртудың шығындарын кім көтерді? Екіншіден, жерді және басқа табиғи ресурстарды пайдалануды зерттейміз. Адамдар жерді пайдалану құқығын қалай қорғады? Жерді пайдалану және табиғи ресурстарды пайдалану қандай қайшылықтарға әкелді? Жерді пайдаланудың экономикалық және экологиялық салдары қандай болды?

Иммунология, микробиология және генетикаға кіріспе

«Иммунология, микробиология және генетикаға кіріспе» курсы студенттерді «Денсаулық пен аурулардағы иммунология», «Адам генетикасы» және «Медициналық микробиология» курстарын оқуға дайындайды. Бұл курс иммунологияның негізгі принциптерімен, соның ішінде иммундық жүйенің мүшелерімен, жасушаларымен және ерігіш компоненттерімен таныстырады. Ол антигендер мен антиденелердің анықтамаларына, иммундық жауаптың ерекшелігіне, «өзін» және «өзін емес» ұғымдарын түсінуге бағытталған. Сонымен қатар, иммуноглобулиндердің құрылымы, иммуноглобулиндер синтезінің генетикасы, иммундық жауаптағы жасушалық кооперация, инфекциялық және қатерлі ісік иммунитеті қарастырылады. Сонымен қатар, микробиологияның негізгі принциптері зерттеледі. Бұл пән студенттерді бактериялар, архейлер, эукариоттық микроорганизмдер және бактерияларға баса назар аудара отырып, вирустардың негізгі қасиеттерімен таныстырады. Микроорганизмдердің әртүрлілігі және олардың адам денсаулығы мен ауруларындағы маңызы атап өтіледі. Бұдан басқа, бұл пән студенттерге адам генетикасы туралы кең түсінік береді және оларды адам генетикасы бойынша емтихан тапсыруға дайындайды. Курс физикалық сипаттамалар/белгілердің тұқым қуалауының және тірі организмдердің дамуының негізгі принциптері мен механизмдерін сипаттайды.

Нақты деректерге негізделген практика үшін статистикаға кіріспе

Бұл курс студенттерді сипаттамалық және инференциалды статистикамен, яғни денсаулық сақтау саласындағы зерттеушілер жиі қолданатын және зерттеулер туралы жарияланған есептерде кездесетін параметрлік және параметрлік емес статистикалық тесттермен таныстырады. Назар студенттердің сипаттамалық және инференциалды статистиканың негізін құрайтын тұжырымдамалар мен принциптерді меңгеруіне, сондай-ақ олардың ғылыми зерттеулерде қолданылуын түсіндіру және сыни бағалауға аударылады. Студенттер сондай-ақ тенденциялар мен мәселелерді анықтау үшін деректерді зерттеуде практикадан өтеді.

Анатомияға және гистологияға кіріспе

«Анатомияға және гистологияға кіріспе» курсы студенттерді медициналық анатомия, аурулардың жасушалық-патологиялық негіздері және Медицина мектебіндегі басқа пәндер бойынша емтихандарға дайындайды. Бұл курс адам анатомиясы мен физиологиясының принциптеріне, оның ішінде гомеостаз механизмдеріне, химиялық заттарды қолдануға және құрылым мен функцияның өзара байланысына арналған. Сонымен қатар, пән патофизиология және гистологиямен таныстырады. Лабораториялық бөлім адам денесінің анатомиясы мен физиологиясына бағытталған.

Сонымен қатар, бұл пән анатомиялық топографияның функционалдық интеграциясына, сондай-ақ адам денесінің физиологиялық және ультрақұрылымдық аспектілеріне назар аударады.

Негізгі гистологиялық және цитологиялық әдістерді, соның ішінде эукариоттық жануар жасушасының ультрақұрылымын жан-жақты зерттеу қарастырылады. Негізгі тін түрлері мен органдар жүйелері де қарастырылады.

Сыни Зерттеу Ойлары

Студенттер ғылыми гипотезаларды талдауды және баяндауды, сондай-ақ түпнұсқа ғылыми мақалаларды интерпретациялауды, сынға алуды және көпшілік алдында ұсынуды үйренеді. Басты назар алғашқы зерттеулер бойынша қазіргі заманғы түпнұсқа әдебиеттің ғылыми мазмұнына аударылады. Студенттер зерттеу туралы ақпаратты қалай әзірлеу және тиімді жеткізу керектігін үйренеді. Студенттер постерлер мен презентациялар жасауды, ғылыми жұмыстарды талдауды, талқылауды және сынға алуды, ғылым мен қоғам арасындағы өзара байланысты, тиісті зертханалық практиканы және басқа да маңызды мәселелерді қарастыруды үйренеді. Сондықтан студенттер курстың мақсаттарына тиімді қол жеткізу үшін биология саласында жеткілікті білімге және зертханалық әдістермен жұмыс істеу тәжірибесіне ие болуы керек деп болжанады.

Дәрігер мамандығына кіріспе

Бұл курстың мақсаты – медик студенттерді пациенттің созылмалы аурулармен және денсаулық сақтау жүйесімен байланысты тәжірибесіне баса назар аудара отырып, дәрігер болудың мәнімен таныстыру. Студенттерде әртүрлі мамандықтағы дәрігерлердің пациенттерге күтім көрсету үшін өздерінің коммуникативтік және клиникалық дағдыларын қалай қолданатынын бақылауға мүмкіндік болады. Студенттер дәрігер мен пациенттің өзара әрекеттесуін бақылап қана қоймай, сонымен қатар пациенттермен және олардың отбасы мүшелерімен тікелей сұхбаттасып, дәрігерлермен және жалпы медициналық қызмет көрсету жүйесімен қарым-қатынас тәжірибесі туралы сөйлесе алады. Бұл курс денсаулық мәселелерінің пациенттер мен олардың отбасыларына қалай әсер ететінін және дәрігердің бұл әсерді өзгертуге қандай рөл атқара алатынын зерттеуге арналған. Сонымен қатар, студенттер дәрігерлердің жалпы қоғамның денсаулығын нығайтудағы рөлі туралы біледі. Медициналық мектепке түсе отырып көптеген адамдар өздерін студент ретінде көруден оқудан өтіп жатқан дәрігер ретінде көруге біртіндеп ауысады. Мұндай ауысу тікелей пациенттерге күтім жасауға қатысы жоқ мамандықтарды, мысалы, патологоанатомия немесе медициналық информатика салаларын таңдағандар адамдарда, сондай-ақ ғылыми қызметпен айналысуды жоспарлайтын адамдарда да орын алады. Кез келген медициналық мансапта кемелдікке жеткен кезде де пациент басты назарда болады. Осы курста студенттер өз жолдарын тікелей пациентке (және оның отбасына) бейімделе отырып бастайды.

Медициналық анатомия

Анатомиялық білім қазіргі заманғы медициналық практиканың іргетасының бірі болып қала береді. Бұл курс анатомиялық және медициналық терминологиямен таныстыруға және адамның функционалдық және жалпы анатомиясының барлық аспектілерін кеңінен қамтуға арналған жеті апталық бағдарламаны ұсынады. Курстың практикалық компоненті модельдерді, қаңқалық материалдарды және патологияларды көрсету арқылы дәрістік тұжырымдамаларды қайталауға және бекітуге бағытталған. Үш өлшемді оқу құралы - Anatomage столын пайдалану арқылы жоғары интерактивті оқу ортасы қолдау табады, ол жеке және командалық оқытуға арналған динамикалық тәсілді ұсынады.

Адам генетикасы

«Адам генетикасы» курсы студенттерге адам геномының ұйымдастырылуы, ДНҚ мен РНҚ-ның құрылымы мен функциясы, қарапайым және күрделі белгілердің тұқым қуалау механизмдері, геномика тәсілдері және оның медицинада қолданылуы, генетикалық және хромосомалық мутация түрлері және олардың адам ауруларындағы рөлі, ең жиі кездесетін генетикалық бұзылулардың клиникалық жағдайларын сипаттау және т.б. туралы жалпы білім беруге арналған.

Энергетикалық метаболизм

«Энергетикалық метаболизм» курсы әртүрлі жағдайларда ағзада жүретін метаболикалық процестерді түсіну негізін қалайды. Әртүрлі метаболикалық процестер (көмірсулар, липидтер және ақуыздар алмасуы) қарастырылады және өзара байланыстырылады, бұл процестердің сау және ауру адамдардағы айырмашылықтары, сондай-ақ метаболикалық бұзылуларды диагностикалау және емдеу туралы ақпарат айтылады.

Фармакология

Бұл курс аясында студенттер кеңінен қолданылатын дәрілік препараттардың негізгі принциптері мен әсер ету механизмдері, сондай-ақ олардың әсер ету жолдары туралы біледі. Студенттер фармакокинетика, соның ішінде сіңу, таралу, метаболизм және шығарылу, және фармакодинамика, соның ішінде дәрілердің рецепторлармен өзара әрекеттесуі туралы біледі. Студенттер агонист, антагонист (қайтымды, қайтымсыз, бәсекелес және т.б.), препараттың жартылай шығарылу кезеңі, таралу көлемі, биожетімділік, элиминация жылдамдығы, қисық астындағы ауданы және көптеген басқа тиісті терминдерді қоса алғанда, жалпы қабылданған фармакологиялық терминдерді үйренеді және қолданады. Сонымен қатар, холинергиялық агонистер мен антагонистер, адренергиялық агонистер мен антагонистер сияқты вегетативті жүйке жүйесіне әсер ететін препараттар егжей-тегжейлі қарастырылады. Бұдан басқа, студенттер негізгі дәрілік заттар кластарымен танысады, олардың әсер ету механизмдері туралы біледі және фармакология курсын клиникалық фармакологияның жалпы мәселелерін қарастыра отырып аяқтайды.

Аурудың жасушалық патологиялық негізі

Бұл курс жасушалар мен тіндердің қалыпты және ауру жағдайларында құрылымдық және функционалдық қасиеттеріне арналған. Жасушалық биология, гистология және патологияның негізгі принциптері жасушалардың қалыпты және қалыпсыз функцияларының молекулалық механизмдерін, сондай-ақ жасуша функцияларын қалпына келтіру үшін дәрілік заттарды пайдалану стратегияларын көрсету үшін негізгі фармакологиялық принциптермен бірге ұсынылады. Оқу форматы дәрістерді, топтық оқытуды (TBL), проблемаларға негізделген оқытуды (PBL), семинарлар мен зертханалық сабақтарды қамтиды. Бұл курсқа қатысатын оқытушылардың жасушалық биология және генетика, иммунология, нейробиология және патология сияқты салаларда тәжірибесі бар.

Денсаулық және аурулар саласындағы иммунология

Бұл курс студенттерге иммундық жүйенің денсаулық пен аурулардағы функцияларын және иммундық жүйеге байланысты кең ауқымды аурулардың даму негізінде жатқан патогенетикалық механизмдерді жақсырақ түсінуге мүмкіндік береді. Курс туа біткен және жүре пайда болған иммунитеттің молекулалық, жасушалық және функционалдық деңгейлеріндегі негізгі механизмдерді, иммундық реттеудің молекулалық аспектілерін, жасушалық сигнализация мен активацияны, гендердің реттелуі мен экспрессиясын, тіндік деңгейдегі молекулалық өзгерістердің әсерін, сондай-ақ иммундық жүйенің қызметін түзету және модуляциялау үшін терапиялық құралдарды пайдалануды зерттеуге баса назар аударады.

Медициналық микробиология

«Медициналық микробиология» курсы жұқпалы аурулардың негізгі ұғымдарымен таныстырады, ерекше назар бактериологияға, вирусологияға, паразитологияға, аурулардың берілу және емдеу механизмдеріне аударылады.