NU SOM (НУММ) Психиатрия саласындағы резидентура бағдарламасы - бұл дәрігерлерге ауруханада немесе амбулаториялық жағдайда жұмыс істей алатын психиатр болу үшін жалпы психиатрия саласындағы іргелі дайындықты қамтамасыз етуге арналған 3 жылдық бағдарлама.

Бағдарлама резиденттерге негізгі құзыреттерді ұсынады және оларға оқытушы-профессорлар құрамының мұқият бақылауымен ең озық техника арқылы әртүрлі клиникалық мекемелерде психиатрияны тәжірибеде қолдануға мүмкіндік береді, сондай-ақ қажет болған жағдайда оларды біліктілікті арттыруға дайындайды. Бұл бағдарламаның маңызды ерекшелігі клиникалық және трансляциялық зерттеулер жүргізу және оларды академиялық мансапты жалғастыруға дайындау мүмкіндігі болып табылады.

1 ҚАДАМ. Жеке кабинетті құрыңыз

Жеке кабинетті құру үшін www.admissions.nu.edu.kz порталында тіркеліңіз. Жеке кабинетте берілген өтінім беру тәртібі туралы нұсқауларды оқыңыз.

2 ҚАДАМ. Өтінім формасын толтырып, қажетті құжаттарды тіркеңіз

Өтінім формасын толтырып, қажетті құжаттарды тіркеңіз:

1. Жеке куәліктің немесе төлқұжаттың сканерленген көшірмесі;

2. Жеке кабинеттегі үлгі бойынша қорытынды оқу үлгерімі туралы орта мектеп немесе жоғары оқу орны туралы аттестаттың (аттестат/диплом) сканерленген көшірмесі немесе мектептен анықтама (справка);

3. Ағылшын тіліндегі мотивациялық хат;

4. Сертификаттардың жарамды көшірмелері. Стандартталған тесттердің нәтижелері тест әкімшілері арқылы тікелей Университетке жіберілуі керек.

3 ҚАДАМ. Өтінім беру ақысын төлеңіз

Өтінім беру ақысы банк картасымен сіздің жеке кабинетіңіз арқылы онлайн режимінде төленеді.

Тіркелу жарнасы 10 000 теңгені құрайды. Тіркелу жарнасы өтінімдерді қабылдаудың бірінші бекітілген мерзімге дейін соңғы екі апта ішінде және өтінімдерді қабылдауды ұзарту кезеңінде төленген жағдайда төленетін сомадан 3 есе артады. Бұл сома қайтарылмайды.

4 ҚАДАМ. Тіркеу процесін аяқтаңыз

“Submit application” түймесін басу арқылы тіркеу процесін аяқтаңыз. Жіберілгеннен кейін үміткерлер өз өтінімдерін өзгерте алмайды.

5 ҚАДАМ. IELTS/TOEFL сертификаттарын жүктеп салыңыз

Жеке кабинетіңізде "Upload IELTS/TOEFL" секциясына IELTS/TOEFL сертификаттарын жүктеп, сертификат туралы қажетті ақпаратты толтырыңыз.

Одан арғы қадамдар

Өтініміңіздің статусы туралы білу үшін НУ Студенттерді қабылдау департаментінен және жеке кабинетіңізден келетін хабарландыруларды көру үшін электрондық поштаңызды тексеріңіз.

Тіркелу немесе онлайн өтінім беру кезінде қиындықтар туындаса, info_admissions@nu.edu.kz мекенжайына хабарласыңыз. Сұрауларыңызды жіберу кезінде ЖСН және/немесе өтінім берушінің ID нөмірін қолданыңыз.

Резидентура бағдарламалаcына онлайн өтінім беру мерзімі - 2024 жылдың 12 ақпанынан 2024 жылдың 10 маусымына дейін.

Барлық тіркелген үміткерлер өз конкурсқа қатысу өтінімінің статусы туралы Жеке кабинетте таныса алады. Төмендегі статустардың сипаттамасы үміткердің Жеке кабинетінде қойылу ретімен орналастырылған.

Application in processing. Үміткердің құжаттарыңы тексерістен өтуде екенін білдіретін аралық статус. Қабылдау комиссиясы өтінімді және құжаттарды тексеріп, келесі кезең туралы хабарлайды. Қорытынды шешім туралы ақпарат үміткердің электрондық поштасына жіберілетін болады.

Does not meet entry requirements. Үміткер бағдарламаның ең төменгі қабылдау талаптарына сәйкес келмейді. Бұл статус Университеттің Студенттерді оқуға қабылдау департаменті өтініш нысандарын және құжаттарды тексергеннен кейін қойылады.

Disqualified. Емтихандағы немесе байқаудағы өрескел бұзушылықтар үшін конкурстан шығарылған. Мысалы, ол қасақана жалған ақпарат берді.

Rejected by Admissions Committee. Конкурс кезеңдердің бірінде Қабылдау комиссиясы үміткерді бағдарламаға ұсынбауға шешім қабылдады.

Transfer to another program. Үміткердің өтінішін қарастыру кезінде Қабылдау комиссиясы үміткерді сол мектептегі басқа бағдарлама Қабылдау комиссиясының қарауына ұсынуға шешім қабылдады.

Pending. Үміткердің өтініші қаралуда.

Waiting list. Қабылдау комиссиясы үміткердің өтінішін қарауды аяқтап, оны күту тізіміне қою туралы шешім қабылдады. Мұндай үміткерлер Университеттен хабарлама күтуі керек, өйткені басқа үміткерлер оқудан бас тартса, оларға оқуға шақыру хаты жіберілуі мүмкін.

Recommended for admission to Zero Year of Graduate programs. Қабылдау комиссиясы үмңткерді Zero Year of Graduate program бағдарламасына ұсынуға шешім қабылдады. “Магистратура бағдарламаларының дайындық жылы” (Zero Year of Graduate programs) – Назарбаев Университеті Мектептерінің магистратураға тікелей түсу үшін тілдік талаптарға сай келмейтін, магистрлік бағдарламаларға қарқынды тілдік, академиялық және ғылыми дайындықтары бар екі семестрлік күндізгі бағдарлама.

Recommended for admission to program. Қабылдау комиссиясы үміткерді бағдарламаға ұсынуға шешім қабылдады.

Recommended for conditional admission. Қабылдау комиссиясы үміткерді бағдарламаға шартты түрде ұсыну туралы шешім қабылдады. Үміткер көрсетілген мерзім ішінде қажетті құжаттарды тапсырып, шартты орындауы қажет.

Withdrawn. Конкурстан алып тастау туралы шешім қабылдаған үміткерлер.

Accepted Program admission offer. Статус оқуға шақыру хаттарын алған, келісімін берген және Университеттің ұсыным-хатындағы барлық шарттарын орындаған үміткерлерге қойылады

Accepted Zero Year of Graduate program admission offer. Статус Zero Year of Graduate programs бағдарламасына оқуға шақыру хаттарын алған, келісімін берген және Университеттің ұсыным-хатындағы барлық шарттарын орындаған үміткерлерге қойылады.

Refused admission offer. Үміткерді қабылдау ұсынылды, бірақ ол оқудан бас тартты.

Refused in favor of another NU program. Бірнеше жоғары оқу орнынан кейінгі бағдарламаға тапсырған үміткерлерге қатысты статус. Үміткер басқа бағдарламаны таңдау туралы шешім қабылдағанда қойылады.

Deferred. Үміткер бағдарламаға қабылданды, бірақ оқуын келесі жылға қалдыруға шешім қабылдады.

Did not submit the documents/Refused. Үміткер құжаттардың түпнұсқасын белгіленген уақытқа дейін тапсырмады, яғни Университетте білім алудан бас тартты.

Did not come to Orientation week/Refused. Үміткер оқу туралы ұсынысты қабылдады, құжаттарын тапсырды, бірақ бағдарлау аптасына қатыспады. Босатылған орынға күту тізіміндегі үміткерлерді шақыруға болады.

Enrolled to program. Үміткер Университетке негізгі бағдарламаға оқуға қабылданды. Статус Провосттың қабылдау туралы шешімі шыққаннан кейін қойылады.Үміткер ресми түрде студент болып саналады.

Enrolled to Zero Year of Graduate programs. Кандидат Zero Year of Graduate programs бағдарламасына қабылданды. Cтатус Провосттың қабылдау туралы шешімі шыққаннан кейін қойылады. Үміткер ресми түрде студент болып саналады.

PGY 1

PGY1 жылы әрқайсысы төрт аптадан тұратын 12 блокқа бөлінген. Психиатрия саласындағы бағдарлама резиденттері отбасылық медицинада үш блок, неврологияда 2 блок, стационарлық психиатрия бөлімшесінде 4 блок, психикалық белсенді заттарды қолдану бұзылыстарының стационарлық бөлімшесінде 2 блок және жедел жәрдем бөлімшесінде 1 блок өткізеді. Неврологиядағы, стационарлық психиатриядағы және психикалық белсенді заттарды қолдану бұзылыстарының патологиясындағы ротациялар кезінде резиденттер түнгі ауысымда 2 апта өткізеді.

Оқу бағдарламасы PGY1 психиатриясы бойынша ротация кезіндегі ресми апталық оқу бағдарламасы кейінгі оқыту негізделетін психиатрия саласындағы білімнің іргелі базасын қамтамасыз етеді. Оқу бағдарламасы интерактивті оқу сабақтарын, семинарларды, тақырыптық конференцияларды, журнал клубтарын, үлкен турларды және шеберлік сабақтарын қамтиды. Бұл бағдарламаларды ОПҚ басқарады және оқытады, олардың көпшілігі өз салаларында белгілі сарапшылар болып табылады.

PGY 2

Кіші резиденттер PGY-1-де алған клиникалық тәжірибесін дамытуды жалғастырады. Резидентура бағдарламасы бойынша оқытудың екінші жылы көңіл күйдің бұзылуы, психоз, балалар, гериатриялық бұзылыстар, психикалық белсенді заттарды қолдану бұзылыстары және психосоматикалық психиатриялық қызметтер кезіндегі клиникалық ротацияны (1-2 ай) қоса алғанда, стационарлық психиатрия саласын қамтитын тәжірибенің негізгі жиынтығын ұсынады. Апта сайынғы оқу сабақтары осы клиникалық тәжірибемен тығыз біріктірілген. Бұдан басқа, резиденттер 2-ші оқу жылының ортасына қарай пациенттермен психотерапевтік оқытуды, сондай-ақ жеке және топтық бақылауды бастайды. Екінші жылдың соңында резиденттер кең таралған психикалық бұзылыстардың кең ауқымын сауатты диагностикалап, емдей алады.

PGY2 кезіндегі ресми оқу бағдарламасы PGY1 кезінде басталған іргелі психиатриялық білімді меңгеруді кеңейтеді және осы жылдағы клиникалық тәжірибемен тығыз байланысты. Оқу бағдарламасы дәрістерді, семинарларды, тақырыптық конференцияларды, журнал клубтарын, үлкен турларды және шеберлік сабақтарын қамтиды.

PGY 3

Резидентура бағдарламасы бойынша оқытудың үшінші жылы амбулаториялық психиатриядағы жұмыс тәжірибесінің арқасында резидентура бағдарламасының бірінші және екінші жылында алған дағдылар мен білімге негізделген. Резиденттер медициналық көмек көрсетудің әртүрлі модельдерімен танысуға мүмкіндік беретін бірнеше жалпы және мамандандырылған клиникаларда жұмыс істейді. Бұл модельдерге пациенттерді тәуелсіз бақылау, пациенттерді терапевттермен бір уақытта қабылдау және көпбейінді емдеу бригадаларымен тығыз жұмыс істеу кіреді.

Үшінші жылдың соңында резиденттер пациенттерді сауатты диагностикалау мен емдеуге, сондай-ақ әртүрлі амбулаториялық жағдайларда бойлық күтім көрсетуге қабілетті болады. Олар психотерапияда барған сайын жоғары құзыреттілік деңгейіне қол жеткізеді. PGY3 кезіндегі ресми оқу бағдарламасы психотерапияның әртүрлі әдістері, озық психофармакология және дәлелді медицина бойынша курстарды қоса алғанда, бірқатар жетілдірілген тақырыптарды көздейді.

Резиденттер екі он бір айлық клиникалық курстардан, сондай-ақ гериатрия, балалар мен жасөспірімдер психиатриясы, мазасыздық, тұлғалық және психосоматикалық патология бойынша алты айлық курстардан өтуі керек. Бұдан басқа, резиденттер кем дегенде үш алты айлық элективті курсты таңдайды. Элективті курс әдетте аптасына бір рет, жарты күн бойы өткізіледі. Резиденттер пациенттердің санын арттыру, жеке және топтық бақылау арқылы психотерапия бойынша оқытуды жалғастырады.